ہم ایک مضبوط معاہدے کے لیے مذاکرات جاری رکھیں گے:ایران

?️ 30 جولائی 2022

سچ خبریں:ایران کا کہنا ہے کہ ہم مذاکرات کر رہے ہیں تاہم ہم ایک اچھا، پائیدار اور مضبوط چاہتے ہیں۔
ایرانی وزیر خارجہ نے کہا ہے کہ اسلامی جمہوریہ ایران پابندیاں ہٹانے کے لیے مذاکرات کی پیروی کرے گا لیکن ہم ایک اچھا، مضبوط اور پائیدار معاہدہ چاہتے ہیں،یہ بات ایرانی وزیر خارجہ حسین امیرعبداللہیان نے جمعرات کے روز بیرون ملک ایرانی ثقافتی اتاشیوں کے ایک اجتماع سے خطاب کرتے ہوئے کہی۔

انہوں نے ایران کے خلاف پابندیوں کو ہٹانے کے لیے مذاکرات میں ہونے والی تازہ ترین پیش رفت کی وضاحت کرتے ہوئے کہا کہ وزارت خارجہ مذاکرات جاری رکھے گی لیکن ایران ایک اچھا، مضبوط اور پائیدار معاہدہ حاصل کرنا چاہتا ہے،امیرعبداللہیان نے کہا کہ سیاست، معیشت، سلامتی اور ثقافت ایک دوسرے سے جڑے ہوئے حلقے ہیں اور بیرون ملک کے مقاصد کے حصول کی صلاحیت رکھتے ہیں۔

ایرانی وزیر خارجہ نے ثقافتی تبدیلی، ثقافتی امور میں اسلامی جمہوریہ ایران کے بیرون ملک اداروں کے درمیان زیادہ سے زیادہ ہم آہنگی کی ضرورت اور مشن ممالک کے فیصلوں کے عزم کو بیرون ملک ثقافتی اہداف کو آگے بڑھانے کے تین اہم اصول قرار دیا،انہوں نے ایران کے صدر رئیسی کے وعدے اور بیرون ملک مقیم ایرانیوں کے لیے ایک جامع قانون کی تیاری پر موجودہ حکومت کی توجہ کو اس میدان میں سب سے اہم اقدامات قرار دیا۔