ہم اقوام متحدہ میں فلسطین کی رکنیت کے حامی ہیں: چینی صدر

?️ 16 جون 2023

چین کے سرکاری ریڈیو سی سی ٹی وی کے مطابق چینی صدر شی جن پنگ نے بیجنگ میں فلسطینی اتھارٹی کے صدر محمود عباس سے ملاقات میں کہا کہ چین اقوام متحدہ میں فلسطین کی مکمل رکنیت کی حمایت کرتا ہے۔

انہوں نے کہا کہ مسئلہ فلسطین کا بنیادی حل ایک آزاد فلسطینی ریاست کے قیام میں مضمر ہے۔

فلسطینی اتھارٹی کے سربراہ سرکاری دورے پر پیر کو بیجنگ پہنچے جو ان کا پانچواں دورہ ہے اور جمعہ تک جاری رہے گا۔

چین کے صدر نے اپنے فلسطینی ہم منصب کے ساتھ ملاقات میں اس بات پر زور دیا کہ چین مشرق وسطیٰ میں عالمی تبدیلیوں اور نئی پیش رفتوں کا سامنا کرنے کے لیے فلسطینی فریق کے ساتھ ہم آہنگی اور تعاون کو مضبوط بنانے کے لیے تیار ہے۔

انہوں نے مزید کہا کہ آج ہم چین اور فلسطین کے درمیان اسٹریٹجک شراکت داری کے قیام کا اعلان کریں گے جو دوطرفہ تعلقات کی تاریخ میں ایک اہم سنگ میل ثابت ہوگا۔

اس رپورٹ کے مطابق اس سفر کے دوران عباس چینی وزیر اعظم لی کیانگ سمیت اعلیٰ چینی رہنماؤں سے مشاورت کریں گے۔ دونوں فریقین کے درمیان ہونے والی بات چیت میں دوطرفہ تعلقات کو مضبوط بنانے اور فلسطین کے لیے قابض اسرائیلیوں کے طویل المدت چیلنج‘ سے نمٹنے کے طریقوں پر تبادلہ خیال کیا جائے گا۔