کیمیائی ہتھیاروں کی ممانعت کی تنظیم دمشق پر دباؤ کا ذریعہ

?️ 9 جولائی 2021

سچ خبریں:کیمیائی ہتھیاروں کی ممانعت کی تنظیم(او پی سی ڈبلیو) میں شامی نمائندے نے کہا کہ کیمیائی ہتھیاروں کی ممانعت کی تنظیم (او پی سی ڈبلیو) شام پر دباؤ ڈالنے اور اس کے خلاف جھوٹے الزامات لگانے کا ایک ذریعہ بن چکی ہے۔
شام کی سرکاری نیوز ایجنسی سانا کی رپورٹ کے مطابق کیمیکل ہتھیاروں کے پھیلاؤ کی ممانعت تنظیم میں شام کی نمائندہ رانیا الرفاعی نے تنظیم کے نقطہ نظر اور دمشق کے بارے میں اس کی پالیسی کے بارے میں بات کی، رپورٹ کے مطابق انہوں نے واضح کیاکہ حقیقت یہ ہے کہ کیمیکل ہتھیاروں کی ممانعت کی تنظیم شام پر دباؤ ڈالنے اور اس کے خلاف جھوٹے الزامات لگانے کا ایک ذریعہ بن چکی ہے۔

شامی عہدیدار نے واضح کیاکہ کیمیائی ہتھیاروں کی ممانعت کی تنظیم کا طریقہ کار ہر طرح کے پیشہ ورانہ اصولوں سے متصادم ہے، اس مسئلے کی وجہ سے یہ تنظیم اپنے فرائض اور ذمہ داریوں کو بخوبی نبھا نہیں سکتی ہے، الرفاعی نے مزید کہاکہ بدقسمتی سے آج ہم یہ مشاہدہ کر رہے ہیں کہ کیمیائی ہتھیاروں کے عدم پھیلاؤ کی تنظیم (او پی سی ڈبلیو) کی تحقیقاتی ٹیمیں اس تنظیم پر غلبہ حاصل کرنے والے ممالک کی خواہش کے مطابق اپنی رپورٹس تیار کررہی ہیں۔

کیمیائی ہتھیاروں کی ممانعت کی تنظیم (او پی سی ڈبلیو) میں شامی نمائندے نے یہ بھی بتایا ہے کہ کیمیکل ہتھیاروں کی ممانعت کی تنظیم (او پی سی ڈبلیو) دمشق میں دہشت گرد گروہوں کی جانب سے ہم پر عائد الزامات کو دہرا رہی ہے اور انھیں کو لے کر دمشق پر دباؤ بڑھانے کے لئے کوشاں ہے۔