کیا نیتن یاہو اس وقت کوئی معاہدہ کرنے کے پوزیشن میں ہیں؟ سی این این کی رپورٹ

?️ 22 فروری 2024

سچ خبریں: وائٹ ہاؤس کے ایک باخبر ذریعے نے سی این این کو انٹرویو دیتے ہوئے انکشاف کیا کہ نیتن یاہو موجودہ صورتحال میں کسی بھی معاہدے پر پہنچنے کے لیے تیار نہیں ہیں۔

سی این این نیوز چینل نے ایک امریکی سفارت کار کے حوالے سے نقل کیا ہے کہ رفح پر صہیونی فوج کے زمینی حملے کی صورت میں قیدیوں کے تبادلے کے معاہدے تک پہنچنے کے امکان کو ہمیشہ کے لیے بھلا دیا جاسکتا ہے۔

یہ بھی پڑھیں: رفح کے خلاف صیہونی جارحیت کے مخالفین

مرکزاطلاعات فلسطین نے اطلاع دی ہے کہ وائٹ ہاؤس کے ایک باخبر ذریعے نے سی این این کو انکشاف کیا ہے کہ نیتن یاہو موجودہ صورتحال میں بظاہر کسی معاہدے پر پہنچنے کے لیے تیار نہیں ہیں۔

قبل ازیں بدھ کو اے بی سی نیوز ٹیلی ویژن چینل نے صیہونی سیاسی ذرائع کے حوالے سے اعلان کیا تھا کہ اسرائیل حماس کے ساتھ ممکنہ جنگ بندی یا قیدیوں کی رہائی کے معاہدے پر مذاکرات جاری رکھنے کے لیے ایک وفد مصر بھیجنے پر غور کر رہا ہے۔

مزید پڑھیں: رفح کے مکینوں کو بے گھر کرنے کے لیے عرب حکومتوں کی ملی بھگت

اے بی سی نیوز نے ذرائع کے حوالے سے بتایا کہ قاہرہ میں مذاکرات کے تازہ دور نے محدود امید پیدا کی ہے۔

یاد رہے کہ مصر، قطر اور امریکہ کے ساتھ مل کر حماس اور اسرائیل کے درمیان مذاکرات میں ثالثی کر رہے ہیں۔