کاپ ۳۰ اختتامی مرحلے میں،امریکا کا پسپائی اختیار کرنا اور چین کا ابھرتا ہوا اقلیمی اثر

کاپ ۳۰

?️

کاپ ۳۰ اختتامی مرحلے میں،امریکا کا پسپائی اختیار کرنا اور چین کا ابھرتا ہوا اقلیمی اثر

عالمی ماحولیاتی کانفرنس کاپ ۳۰ اپنے آخری دنوں میں داخل ہو چکی ہے اور اس بار امریکا کی غیر معمولی غیر حاضری نے چین کو اقلیمی سفارت کاری میں نمایاں کردار ادا کرنے کا موقع فراہم کر دیا ہے۔ یہ اجلاس 10 نومبر کو برازیل کے شہر بِلم میں شروع ہوا اور 21 نومبر کو ختم ہوگا۔ ابتدا ہی میں امریکا نے تین دہائیوں میں پہلی مرتبہ اعلیٰ سطح کے وفد کو نہ بھیج کر دنیا کو حیران کر دیا، جبکہ دوسری جانب بلم میں ماحول دوست کارکنوں اور مقامی قبائل کے وسیع مظاہرے جاری رہے جن میں جنگلاتِ امازون کے تحفظ، فوسل فیول کے خاتمے اور ماحولیاتی انصاف کا مطالبہ کیا گیا۔

کیتھولک روحانی پیشوا پاپ فرانسس نے اجلاس کے شرکاء کو بھیجے گئے پیغام میں خبردار کیا کہ موسمیاتی تبدیلی سیاسی فیصلوں سے کہیں زیادہ تیزی سے آگے بڑھ رہی ہے۔ انہوں نے کہا کہ دنیا بھر میں کروڑوں لوگ سیلاب، خشک سالی، شدید گرمی اور طوفانوں جیسے اثرات سے دوچار ہیں اور عالمی سطح پر ہنگامی قدم اٹھانے کی ضرورت ہے۔

امریکا کی عدم شرکت کے باعث مذاکرات میں طاقت کا توازن بدلتا دکھائی دے رہا ہے۔ چین کی بڑی گرین انرجی کمپنیوں کے سربراہان نے اجلاس میں فعال کردار ادا کیا اور اپنے منصوبوں کو بین الاقوامی سطح پر پیش کیا۔ چینی سفارت کار بھی پس پردہ مذاکرات کو مؤثر بنانے میں سرگرم رہے، یہ وہ کردار ہے جو ماضی میں زیادہ تر امریکا ہی سنبھالتا تھا۔ بین الاقوامی تجدیدپذیر توانائی ایجنسی کے سربراہ کے مطابق قابل تجدید توانائی اور برقی گاڑیوں کے شعبے میں چین کی بڑھتی ہوئی برتری نے اسے عالمی اقلیمی سفارت کاری میں ایک مضبوط پوزیشن دے دی ہے۔

ڈونلڈ ٹرمپ کے دوبارہ صدر بننے کے بعد امریکا کی اقلیمی پالیسی میں نمایاں پسپائی دیکھنے میں آئی ہے۔ وہ پہلے بھی دو بار امریکا کو معاہدۂ پیرس سے نکال چکے ہیں اور اس سال انہوں نے کسی اعلیٰ سطح کے نمائندے کو بھیجنے سے بھی انکار کر دیا۔ ماہرین کے مطابق امریکا اس رویے سے عالمی مذاکرات میں اپنی اہمیت کھو رہا ہے، جبکہ اس خلا کو پُر کرنے کے لیے چین تیزی سے آگے بڑھ رہا ہے۔

اس بار کاپ ۳۰ میں چین کا وجود پہلے سے کہیں زیادہ نمایاں ہے۔ چینی کمپنیوں اور حکام کی موجودگی، مرکزی مقام پر قائم بڑا اسٹال اور سرکاری سطح پر سرگرمیاں اس بات کا اشارہ ہیں کہ بیجنگ اقلیمی قیادت کے میدان میں اپنا اثر بڑھانے کے لیے پوری طرح سرگرم ہے۔ اجلاس کے منتظمین نے بھی چین کی ٹیکنالوجی میں پیش رفت اور کم لاگت والے ماحول دوست حل فراہم کرنے کی صلاحیت کو سراہا ہے۔

کچھ ماہرین کا خیال ہے کہ چین ترقی پذیر ممالک اور بریکس جیسی ابھرتی معیشتوں کو یکجا کرنے کی صلاحیت رکھتا ہے، تاہم ان کے مطابق اگر چین عالمی قیادت کا حقیقی خواہش مند ہے تو اسے کاربن اخراج کم کرنے کے لیے زیادہ پرعزم اہداف مقرر کرنا ہوں گے۔ دوسری طرف بیجنگ سے قریبی طور پر جڑی ماحولیاتی پالیسی کے مبصرین کا کہنا ہے کہ عملی ٹیکنالوجی، سرمایہ کاری اور قابل تجدید توانائی کا تیز رفتار فروغ ہی اصل قیادت ہےاور اس وقت دنیا میں یہ کردار سب سے مؤثر انداز میں چین ہی انجام دے رہا ہے۔

مشہور خبریں۔

زلنسکی سے وائٹ ہاؤس کیوں ناراض ہوا؟

?️ 15 جولائی 2023سچ خبریں:یوکرین کے صدر ولادیمیر زیلینسکی نے حال ہی میں لیتھوانیا کے

بائیڈن نے یوکرین کے بارے میں میکرون کی تجویز مسترد کر دی

?️ 7 جون 2024سچ خبریں: پولیٹیکو نے باخبر ذرائع کے حوالے سے رپورٹ دی ہے

اسرائیل حیران ہے کہ کرے کیا ؟

?️ 7 اکتوبر 2023سچ خبریں:اسلامی مزاحمتی تحریک حماس کی جانب سے الاقصیٰ طوفانی آپریشن کے

 کیا مشیل اوباما 2024 کے انتخابات میں ٹرمپ کو شکست دے سکتی ہے؟

?️ 4 جولائی 2024سچ خبریں: سروے کے نتائج سے معلوم ہوا کہ زیادہ تر امریکی

جرمن سیاست دان: ایران پر فوجی حملے نے اس ملک کے عوام کو مزید متحد کر دیا

?️ 26 مارچ 2026سچ خبریں: جرمن سیاست دان اور ملکی پارلیمنٹ کے سابق رکن نے

امریکہ کے مشرق وسطی چھوڑنے کی وجوہات

?️ 20 جون 2021سچ خبریں:امریکی صدر جو بائیڈن کی انتظامیہ کے عہدیداروں کے کاکہنا ہے

حکومت کا سرحدی نگرانی بڑھانے کیلئے نئی بارڈر کنٹرول اتھارٹی کے قیام پر غور

?️ 21 جنوری 2025 اسلام آباد: (سچ خبریں) گزشتہ سال ناکامی کے باوجود اور جاری

قابضین سے ہماری لڑائی ابھی ختم نہیں ہوئی: خلیل الحیہ

?️ 30 جنوری 2025سچ خبریں: حماس کے سینئر رکن خلیل الحیہ نے قاہرہ میں رہائی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے