پیوٹن کا یوکرینی صدر کو امان نامہ؛صیہونیوں کا دعوی

?️ 6 فروری 2023

سچ خبریں:صیہونی سابق وزیراعظم نے دعویٰ کیا کہ یوکرین میں روسی فوجی آپریشن کے آغاز میں روسی صدر نے ان سے وعدہ کیا تھا کہ وہ یوکرین کے صدر کو قتل نہیں کریں گے۔

صیہونی اخبار ہاریٹز کی رپورٹ کے مطابق صیہونی حکومت کے سابق وزیر اعظم نفتالی بینیٹ نے ایک انٹرویو میں دعویٰ کیا ہے کہ ان کی وزارت عظمی کے دور میں اور یوکرین میں روسی فوجی آپریشن کے آغاز کے وقت، روسی صدر ولادیمیر پیوٹن نے ان سے وعدہ کیا تھا کہ وہ یوکرین کے صدر کو قتل نہیں کریں گے۔

نفتالی بینیٹ نے یہ دعویٰ ایک پوڈ کاسٹ انٹرویو میں کیا، ہاریٹز نے نفتالی بینیٹ کا حوالہ دیتے ہوئے لکھا کہ پیوٹن کے ساتھ ملاقات کے بعد میں نے واپس جاتے ہوئے ائیرپورٹ سے زیلنسکی کو فون کیا اور کہا کہ روسی صدر نے وعدہ کیا کہ وہ آپ کو قتل نہیں کریں گے، زیلنسکی نے جواب دیا: کیا آپ کو یقین ہے؟ میں نے کہا: ہاں، سو فیصد، وہ تمہیں قتل نہیں کرے گا۔

بینیٹ کے مطابق پیوٹن کی یقین دہانی کے بعد زیلنسکی نے یوکرین کی نیٹو میں شمولیت کے خیال کو ترک کرنے پر اتفاق کیا، یاد رہے کہ یوکرین کی نیٹو میں شمولیت کی کوشش اور نیٹو کا روس کی سرحدوں سے قریب ہونا یوکرین میں روس کی فوجی کاروائیوں کی اہم وجوہات ہیں۔