پیرس میں نیٹو مخالف مظاہرے اور فلسطین سے اظہار یکجہتی

سچ خبریں:

پیرس میں آج ہفتے کے روز غاصب اسرائیل کے خلاف اور فلسطین، افریقہ سمیت مظلوم اقوام کے حق میں زبردست مظاہرہ ہوا جس کے شرکا نے  نیٹو افریقہ سے باہر جاؤ ،  آزاد فلسطین  اور  خود مختار ہیٹی  کے نعرے لگائے۔

میڈیا رپورٹس کے مطابق، امن کے حامی مظاہرین کے ہاتھوں میں بینرز اور پلے کارڈز پر درج نعرے تھے کہ  جنگ کوئی حل نہیں ،  نیٹو افریقہ چھوڑ دو ،  فلسطین کی حمایت میں بھوک ہڑتال کرنے والے برطانوی کارکنوں کو رہا کرو ،  میں نسل کشی کے ساتھیوں کو ووٹ نہیں دوں گا، میں آزاد فلسطین کو ووٹ دوں گا ،  غاصب اسرائیل کی فلسطینی گھروں کی وسیع پیمانے پر تباہی ،  آئیے ایک خود مختار، انصاف پسند اور عوامی ہیٹی بنائیں ،  مظلوموں کے ساتھ یکجہتی  اور  ہم مزاحمت کرتے ہیں ۔

ایک مقامی مظاہر نے اسپوٹنک افریقہ کو بتایا کہ  غزہ کے معاملے پر ٹرمپ کی امن کونسل کی تجاویز واضح دھوکہ ہیں۔ اس منصوبے میں روزانہ 50 افراد کے مصر داخل ہونے اور 150 کے نکلنے کا عندیہ تھا—ہر روز 50 مریض اور ہر ایک کے ساتھ 2 ساتھی۔ لیکن 6 دن گزرنے کے بعد بھی ایک دن کا کوٹہ پورا نہیں ہوا۔ اس دوران اسرائیل نے فلسطینیوں کا بڑے پیمانے پر قتل عام دوبارہ شروع کر دیا ہے ۔

مظاہرے کے منتظمین نے پہلے ہی اپنے بیان میں کہا تھا کہ ہم کیریبین، ہیٹی، کیوبا، فلسطین، وینزویلا، سوڈان، کاناکی، کولمبیا، کانگو، پیرو اور تمام علاقوں کے لوگ جو جنگ، نسل پرستی اور تسلط کا شکار ہیں، عالمی ضمیر اور اجتماعی اقدام کی اپیل کرتے ہیں ۔