دنیا

پرتگال میں مہنگائی اور رہائش کے خلاف ہزاروں افراد سڑکوں پر

15
نومبر

?️ 15 نومبر 2026

سچ خبریں: پرتگال کے دارالحکومت لزبن سمیت درجنوں شہروں میں ہزاروں شہریوں نے مہنگائی اور رہائشی اخراجات کے خلاف احتجاج کرتے ہوئے اجرتوں میں اضافے، کرایوں پر قابو پانے اور کرایہ داروں کی حکومتی مدد کا مطالبہ کیا ہے۔

پرتگال کے دارالحکومت لزبن اور درجنوں دیگر شہروں میں ہزاروں شہریوں نے گزشتہ روز احتجاج کرتے ہوئے زندگی کی بڑھتی ہوئی لاگت اور رہائشی اخراجات کے خلاف اپنا احتجاج ریکارڈ کروایا۔

اس رپورٹ کے مطابق مظاہرین نے پرتگال میں قیمتوں میں اضافے کے خلاف پلے کارڈز اٹھا رکھے تھے اور نعرے لگاتے ہوئے اجرتوں میں اضافے کا مطالبہ کیا۔

انہوں نے زور دیا کہ گھروں کے کرایوں میں اضافے کو روکا جائے اور کرایہ داروں کو حکومتی مدد فراہم کی جائے۔

سرکاری رپورٹس ظاہر کرتی ہیں کہ پرتگال میں گزشتہ ایک دہائی کے دوران گھروں کی قیمتوں میں شدید اضافہ ہوا ہے اور اس نے یورپی یونین کے ممالک میں سب سے زیادہ اضافے کا ریکارڈ بنایا ہے۔

پرتگال میں رہائش کے بحران کی وجہ سے گزشتہ ہفتوں کے دوران مختلف شہروں میں عوامی احتجاج اور دھرنوں کی شدت میں اضافہ ہوا ہے اور پولیس کی نفریوں کے ساتھ جھڑپیں بھی پیش آئی ہیں۔

Short Link

Copied