سچ خبریں:ایک امریکی میگزین نے ٹرمپ کے گھر پر ایف بی آئی کے چھاپے کے دوران فرانسیسی صدر کی نجی زندگی سے متعلق ایک خفیہ فائل کی دریافت ہونے کا اعلان کیا۔
بزنس انسائیڈر میگزین نے اپنی ایک رپورٹ میں لکھا ہے کہ امریکہ کے سابق صدر ڈونلڈ ٹرمپ بارہا یہ دعویٰ کر چکے ہیں کہ ان کے پاس اپنے فرانسیسی ہم منصب ایمانوئل میکرون کی ذاتی زندگی کے بارے میں ہتک آمیز معلومات ہیں، امریکی میگزین رولنگ اسٹون میں پہلی بار شائع ہونے والی اس رپورٹ میں کہا گیا ہے کہ ٹرمپ نے مذاق میں میکرون کی ذاتی زندگی کی تفصیلات اپنے معاونین کے ساتھ شیئر کیں۔
یہ بھی کہا جاتا ہے کہ ایف بی آئی (ریاستہائے متحدہ امریکہ کی وفاقی پولیس) کو حال ہی میں فلوریڈا میں واقع ٹرمپ کی حویلی میں فرانس کے صدر سے متعلق خفیہ فائلیں ملی ہیں، دو باخبر ذرائع نے یہ بھی کہا کہ ٹرمپ ہمیشہ میکرون کی نجی زندگی کے بارے میں افواہیں پھیلاتے ہیں اور کہتے ہیں کہ انہیں یہ معلومات مختلف ذرائع سے ملی ہیں۔
اس رپورٹ کے آخر میں انھوں نے لکھا کہ یہ واضح نہیں ہے کہ ٹرمپ کے پاس میکرون کے بارے میں معلومات ہیں یا نہیں، لیکن ان کی حویلی میں میکرون کے نام کے ساتھ فائلوں کا ایک سلسلہ تھا جو ٹرمپ کی حویلی پر ایف بی آئی کے چھاپے میں دریافت ہوئیں۔