ٹرمپ کی نائجیریا کو دھمکی  مسیحیوں کے تحفظ کے بہانے فوجی کارروائی کا امکان

ٹرمپ کی نائجیریا کو دھمکی  مسیحیوں کے تحفظ کے بہانے فوجی کارروائی کا امکان

 امریکہ کے سابق صدر ڈونلڈ ٹرمپ نے کہا ہے کہ اگر نائجیریا کی حکومت ملک میں مسیحیوں پر ہونے والے حملے نہیں روکتی تو امریکہ فوجی کارروائی کر سکتا ہے اور نیجریا کے لیے تمام امداد فوراً بند کر دے گا۔ٹرمپ نے سوشل میڈیا پر لکھا کہ نیجریا میں مسیحی شدید خطرے میں ہیں اور اگر حکومت نے ان کا تحفظ نہ کیا تو امریکہ خود کارروائی کرے گا۔

نیجریا افریقہ کا سب سے زیادہ آبادی والا ملک ہے جہاں آدھی آبادی مسلمانوں اور آدھی مسیحیوں پر مشتمل ہے۔ ملک کے شمالی حصے میں مسلمان اور جنوبی حصے میں مسیحی اکثریت میں ہیں۔

نیجریا کئی سالوں سے بوکوحرام اور دیگر شدت پسند گروہوں کے حملوں، نسلی جھگڑوں اور بدامنی کا شکار ہے۔ ماہرین کا کہنا ہے کہ یہ جھگڑے صرف مذہب کی بنیاد پر نہیں بلکہ زیادہ تر معاشی اور علاقائی مسائل کی وجہ سے ہیں۔

سیاسی تجزیہ کاروں کے مطابق، ٹرمپ کے بیانات بہت غیر معمولی اور خطرناک ہیں کیونکہ وہ مذہبی آزادی کے نام پر ایک آزاد ملک کو فوجی دھمکی دے رہے ہیں۔یہ دھمکی نیجریا کی خودمختاری پر سوال اٹھاتی ہے اور امریکہ کے دیگر اتحادی ممالک کے لیے بھی تشویش پیدا کر سکتی ہے۔

امریکی قانون کے مطابق، کسی دوسرے ملک میں فوجی کارروائی کے لیے یا تو اقوام متحدہ کی اجازت ضروری ہوتی ہے یا کانگریس سے منظوری لینی پڑتی ہے۔ٹرمپ نے یہ واضح نہیں کیا کہ وہ کس قانون کے تحت نیجریا میں مداخلت کرنا چاہتے ہیں۔

نیجریا کے صدر بولا احمد تینوبو نے ٹرمپ کے الزامات کو مسترد کرتے ہوئے کہا کہ ان کا ملک سب شہریوں کے حقوق کا برابر تحفظ کرتا ہے۔ انہوں نے کہا کہ نیجریا ایک خودمختار ملک ہے اور کسی بھی بیرونی دباؤ کو قبول نہیں کرے گا۔