ٹرمپ کا صومالیوں کے خلاف توہین آمیز بیان 

?️ 4 دسمبر 2025

ٹرمپ کا صومالیوں کے خلاف توہین آمیز بیان 

امریکی صدر ڈونلڈ ٹرمپ نے اپنے کابینہ اجلاس کے اختتام پر امریکہ میں مقیم سومالیائی نژاد افراد کو شدید تنقید کا نشانہ بنایا اور کہا کہ صومالی کی بو آتی ہے جس پر شہری حلقوں اور میڈیا میں شدید ردِعمل دیکھنے میں آ رہا ہے۔

گاردین کے مطابق، دو گھنٹے سے زائد جاری رہنے والے کابینہ اجلاس کے آخر میں ٹرمپ نے امریکہ میں آباد سومالیائی کمیونٹی پر حملہ کیا۔ وہ حال ہی میں مینیسوٹا میں مقیم صومالیائی شہریوں کے خصوصی حفاظتی درجہ کو ختم کرنے کے فیصلے پر بھی تنقید کی زد میں ہیں، اور اس سے قبل وہ کئی بار دموکرات رکنِ کانگریس ایلهان عمر کی تضحیک کر چکے ہیں۔

منگل کے روز بھی ٹرمپ نے ایلهان عمر کے خلاف اپنے توہین آمیز بیانات دہرائے اور انہیں "کچرا” کہا۔ ایلهان عمر، جو سومالی میں پیدا ہوئیں، سال 2000 میں پناہ لینے کے بعد امریکی شہری بنیں۔

ٹرمپ نے کہا:میں انہیں اپنے ملک میں نہیں چاہتا۔ لوگ کہتے ہیں یہ سیاسی طور پر درست نہیں، مگر مجھے پروا نہیں۔ ان کے ملک کے حالات اچھے نہیں، ان کے ملک سے بو آتی ہے، اور ہم انہیں یہاں نہیں چاہتے۔اس دوران کابینہ کے کئی اراکین ٹرمپ کی باتوں سے اتفاق کرتے ہوئے میز پر ہاتھ مارتے رہے۔

 ٹرمپ نے مزید کہایہ لوگ یہاں آکر شکایتوں کے سوا کچھ نہیں کرتے۔ جہنم جیسے حالات سے آتے ہیں، اور پھر یہاں آکر تنقید ہی کرتے رہتے ہیں۔ ہم انہیں اپنے ملک میں نہیں چاہتے۔ انہیں وہیں واپس جانا چاہیے، جہاں سے آئے ہیں۔"

امریکی صدر اس سے پہلے بھی بارہا ایلهان عمر کو ان کی سومالیائی نسل کی بنیاد پر نشانہ بنا چکے ہیں اور انہیں امریکہ چھوڑنے تک کو کہہ چکے ہیں۔ ایلهان عمر کو حال ہی میں اُس وقت بھی ریپبلکن اراکین کی جانب سے دباؤ کا سامنا کرنا پڑا، جب ان کے بعض بیانات کو ایک قدامت پسند کارکن چارلی کرک کی ہلاکت سے جوڑا گیا۔

چارلی کرک، جو ٹرننگ پوائنٹ یو ایس اے کے بانی اور اسرائیل نواز حلقوں کے حمایتی سمجھے جاتے تھے، یوتا کی ایک یونیورسٹی میں فائرنگ کے واقعے میں ہلاک ہو گئے تھے۔ ایلهان عمر نے ردعمل میں کہا تھا کہ ٹرمپ کی اشتعال انگیز سیاست اس قتل میں اثر انداز ہوئی۔

ٹرمپ کے حالیہ بیانات کو بڑی تعداد میں سیاسی، سماجی اور انسانی حقوق کے حلقے نسل پرستانہ اور اشتعال انگیز قرار دے رہے ہیں۔