نتن یاہو جھوٹ پھیلا کر 7 اکتوبر کی شکست سے بچنے کی کوشش کر رہے ہیں: بنیٹ

سچ خبریں: صیہونی ریاست کے سابق وزیراعظم نفتالی بنت نے موجودہ وزیراعظم بنیامین  نتن یاہو کی کارکردگی پر سخت تنقید کرتے ہوئے کہا ہے کہ  نتن یاہو جھوٹ پھیلانے اور سیکورٹی اہلکاروں کو دشمن قرار دینے کی حکمت عملی اپنا کر ۷ اکتوبر (طوفان الاقصیٰ) حملے میں اپنی براہِ راست ذمہ داری سے بچنے کی کوشش کر رہے ہیں۔

بنت نے مزید کہا کہ یہ رویہ دراصل ذمہ داریوں کو دوسروں پر ڈالنے اور  نتن یاہو سے الزامات کو ہٹانے کے لیے اپنایا گیا ہے۔

ان کے یہ بیان ایسے وقت سامنے آیا ہے جب حال ہی میں صیہونی وزیراعظم کی اہلیہ سارہ  نتن یاہو نے سابق ڈپٹی چیف آف اسٹاف یائیر گولان پر الزام عائد کیا ہے کہ وہ طوفان الاقصیٰ (۷ اکتوبر) کی کارروائی سے قبل ہی اس بارے میں معلومات رکھتے تھے۔ گولان نے ان الزامات کو مسترد کرتے ہوئے کہا ہے کہ وہ وزیراعظم کی اہلیہ کے خلاف قانونی کارروائی کریں گے۔

جولان سے منسلک سیاسی گروہ نے زور دے کر کہا کہ  نتن یاہو سیکورٹی اقدامات میں ناکامی پر معافی مانگنے کے بجائے اس واقعے کی ذمہ داری سے بچنے کی کوششوں میں لگے ہیں۔

واضح رہے کہ طوفان الاقصیٰ کے واقعے کو تین سال بیت جانے کے باوجود  نتن یاہو کی کابینہ نے سیکورٹی خامیوں کی جڑ تک پہنچنے کے لیے کوئی سرکاری تحقیقاتی کمیٹی قائم کرنے میں رکاوٹ ڈالی ہے، جبکہ ان کی اہلیہ نے مطالبہ کیا ہے کہ صیہونی حکام میں ممکنہ غداری کی جانچ کے لیے ایک تحقیقاتی کمیٹی تشکیل دی جائے۔

 نتن یاہو کے مرکزی حریف گاڈی آئزنکوٹ نے بھی صراحت کی کہ  نتن یاہو صیہونی ریاست کی تاریخ کی سب سے بڑی شکست سے بھاگ رہے ہیں۔