میرے خلاف عالمی نفرت کی وجہ میڈیا پروپیگنڈا ہے: نیتن یاہو

صیہونی ریاست کے وزیراعظم بینجمن نیتن یاہو نے ایک پریس کانفرنس میں اعتراف کیا کہ وہ دنیا بھر میں اپنے خلاف پائی جانے والی نفرت کا مشاہدہ کر رہے ہیں۔

تاہم، غزہ پٹی میں ہونے والے نسل کشی اور عام شہریوں خصوصاً بچوں کے قتل عام کا ذکر کیے بغیر، نیتن یاہو نے دعویٰ کیا کہ یہ عالمی نفرت دراصل ان کے خلاف میڈیا پراپیگنڈے کی وجہ سے پیدا ہوئی ہے۔

ایک سوال کے جواب میں کہ صیہونی ریاست کے وزیراعظم کے خلاف دنیا بھر میں نفرت کی کیا وجہ ہے، انہوں نے کہا کہ اصل سوال یہ نہیں کہ وہ مجھ سے یا ٹرمپ سے کیوں نفرت کرتے ہیں، بلکہ یہ ہے کہ وہ حقائق کیوں نہیں دیکھتے؟ وہ کیوں نہیں سمجھتے کہ ان کے لیے کیا بہتر ہے؟ مسئلہ حقائق کو عوام تک پہنچانے کے طریقے میں ہے، خاص طور پر ایسے دور میں جب ٹک ٹاک جیسے پلیٹ فارمز موجود ہیں۔

اپنی تقریر کے دوران، انہوں نے ایران کے خلاف خوف پھیلا کر تل ابیب کے جارحانہ حملوں کو جواز پیش کرنے کی کوشش بھی کی۔