?️
سچ خبریں: ملائیشیا کے ہزاروں افراد نے اس ملک کے دارالحکومت کے مرکزی چوک میں جمع ہو کر فلسطینی عوام کا دفاع کیا اور غزہ کی پٹی میں صیہونی حکومت کے جرائم کی مذمت کی۔
الجزیرہ چینل کی رپورٹ کے مطابق دنیا کے مختلف ممالک کی حکومتوں اور عوام کی فلسطین کی حمایت نیز غزہ کی پٹی میں صیہونی حکومت کے نئے جرائم کی مذمت کے سلسلے میں ملائشیا کے مقامی میڈیا اور سوشل میڈیا صارفین نے کوالالمپور کے انڈیپینڈنس اسکوائر میں ہزاروں لوگوں کے احتجاج کی تصاویر شائع کیں۔
یہ بھی پڑھیں: حماس کا فلسطینی عوام کی حمایت کرنے پر ملائیشیا کے خلاف کاروائی پر اظہار افسوس
ملائیشیا کے باشندوں نے "فلسطین کو آزاد کرو”، "فلسطینی عوام کبھی تنہا نہیں ہوں گے” جیسے نعرے لکھے ہوئے پلے کارڈ اٹھا کر فلسطینی عوام کی حمایت کا اعلان کیا۔
اطلاعات کے مطابق ملائیشیا کے مختلف سیاسی دھاروں کے رہنما، جن میں اس ملک کے وزیر اعظم انور ابراہیم کی صاحبزادی ایزا انور بھی شامل ہیں، اس عظیم اجتماع میں تقریریں کیں۔
یاد رہے کہ گزشتہ ہفتے ملائیشیا کے وزیر اعظم انور ابراہیم نے فلسطین کی اسلامی مزاحمتی تحریک (حماس) اور صہیونیوں کے خلاف بڑے پیمانے پر طوفان اقصیٰ آپریشن کی مذمت کے لیے مغربی دباؤ کو مسترد کر دیا۔
اس سلسلے میں انہوں نے کہا کہ ملائیشیا فلسطین کی اسلامی تحریک (حماس) کی مذمت کے لیے مغربی دباؤ سے اتفاق نہیں کرتا۔
ملائیشیا کی پارلیمنٹ میں خطاب کرتے ہوئے انور ابراہیم نے مزید کہا کہ ملائیشیا کے اپنی پالیسی کے تحت حماس کے ساتھ تعلقات ہیں جو اگے بھی جاری رہیں گے۔
یاد رہے کہ 7 اکتوبر کی صبح فلسطینی مزاحمتی فورسز نے ایک درست اور مربوط آپریشن میں، غزہ کی سرحدوں کو عبور کرتے ہوئے غزہ کی پٹی کے اردگرد موجود مقبوضہ بستیوں میں داخل ہو کر دسیوں صیہونی فوجیوں کو سادے کپڑوں میں گرفتار کر لیا نیز سرحدی چوکیوں پر قبضہ کر کے صیہونی ٹیکنوں اور گاڑیوں کے قبضے میں لے کر تصاویر شائع کیں۔
اس کے ساتھ ساتھ فلسطینی مجاہدین نے آدھے گھنٹے سے بھی کم وقت میں 10 سے زائد صیہونی بستیوں کو نشانہ بنایا اور 5000 راکٹ اور میزائل مقبوضہ علاقوں کی طرف داغے۔
مزید پڑھیں: ملائیشیا کے سابق وزیراعظم مہاتیر محمد نے فلسطینیوں کی حمایت میں اہم بیان جاری کردیا
اس بڑی اور حیران کن مزاحمتی کارروائی کے جواب میں صیہونی حکومت گذشتہ ہفتے سے غزہ کی پٹی کے شہروں اور رہائشی علاقوں پر مسلسل بمباری کر رہی ہے،فلسطینی وزارت صحت کے تازہ ترین اعدادوشمار کے مطابق اب تک صیہونی جنگی طیاروں کے حملوں میں 2670 فلسطینی شہید اور 9600 سے زائد افراد زخمی ہوئے ہیں۔


مشہور خبریں۔
پاکستان میں سیلابوں سے ہلاکتیں: آئی ایم ایف کا اظہار افسوس
?️ 14 ستمبر 2025اسلام آباد: (سچ خبریں) آئی ایم ایف کی جانب سے پاکستان میں
ستمبر
سعودی عرب کی اسرائیل کے ساتھ معاہدے کے لیے بڑی شرطیں
?️ 10 اگست 2023سچ خبریں:صہیونی میڈیا نے قابض حکومت کے ساتھ سعودی عرب کے معمول
اگست
سلطنت تک پہنچنے کے بعد بن سلمان سے صیہونیوں کی پہلی توقع
?️ 13 فروری 2022سچ خبریں:عبرانی زبان کے ذرائع نے انکشاف کیا ہے کہ اسرائیل کو
فروری
اسرائیلی حکومت کی فوجی تنصیبات کے خلاف حزب اللہ کی تیسری کارروائی
?️ 22 ستمبر 2024سچ خبریں: لبنان کی اسلامی مزاحمت نے آج اتوار کی صبح ایک
ستمبر
غزہ اور مغربی کنارے سے لے کر امریکہ کے قلب تک حماس کی مقبولیت کا راز
?️ 23 دسمبر 2023سچ خبریں: طوفان الاقصیٰ آپریشن کے بعد حماس کی مقبولیت میں اضافہ
دسمبر
مشہور انگریزی اسکرین رائٹر نے غزہ کے ساتھ اپنی یکجہتی کا اظہار کیا
?️ 23 فروری 2024سچ خبریں:پال لاورٹی نے اتوار کو برٹش اکیڈمی فلم ایوارڈز بافٹا میں
فروری
الیکشن میں مشین استعمال کرنے کے حوالے سے فیصلہ الیکشن کمیشن کرے گا
?️ 13 اگست 2021اسلام آباد (سچ خبریں ) وفاقی وزیر برائے سائنس و ٹیکنالوجی سینیٹر
اگست
دوحہ آپریشن کی ناکامی کا ذمہ دار موساد یا اسرائیلی فضائیہ؟
?️ 11 ستمبر 2025دوحہ آپریشن کی ناکامی کا ذمہ دار موساد یا اسرائیلی فضائیہ؟ قطر
ستمبر