مغربی کنارے  میں گھروں کی مسماری کا تسلسل ایک خطرناک اقدام ہے

مغربی کنارے  میں گھروں کی مسماری کا تسلسل ایک خطرناک اقدام ہے

حماس نے کہا ہے کہ مغربی کنارے  میں گھروں کی مسماری ایک خطرناک اقدام ہے اور یہ اقدامات کبھی بھی فلسطینی قوم کے عزم کو نہیں توڑ سکیں گے۔

رپورٹ کے مطابق، جس نے الجزیرہ نے خبر دی ہ، حماس نے بیان میں کہا کہ کرانہ باختری میں گھروں کی مسلسل مسماری صہیونی رژیم کی جانب سے ایک خطرناک اور منظم دہشت گردی ہے۔

حماس نے زور دے کر کہا کہ یہ اقدامات فلسطینی عوام کے ارادے کو ہرگز پست نہیں کریں گے۔ بیان میں الخلیل میں ایک رہائشی عمارت کی مسماری کو قابض رژیم کی اجتماعی سزا کی پالیسی کا حصہ قرار دیا گیا، جس کا مقصد فلسطینی وجود کو نشانہ بنانا ہے۔

تحریک نے مزید کہا کہ قابض رژیم کی جارحانہ پالیسیاں، بڑھتی ہوئی جارحیت اور آبادکاری منصوبوں کے تناظر میں، جن کا مقصد فلسطینیوں کو بے دخل کرنا ہے، فلسطینی قوم کی اپنی سرزمین سے وابستگی کو مزید مضبوط کرتی ہیں۔

اسی سلسلے میں بعض فلسطینی ذرائع ابلاغ نے اطلاع دی کہ صہیونی آبادکاروں اور فوجیوں نے رام اللہ کے شمال مشرق میں واقع گاؤں "یبرود” پر دھاوا بول کر فائرنگ کی۔ رپورٹس کے مطابق آبادکاروں نے گاؤں میں فلسطینی شہریوں کی املاک کو نقصان پہنچایا اور کئی بھیڑیں بھی چرا لیں۔

فلسطینی ہلالِ احمر نے بھی اطلاع دی کہ شمالی مقبوضہ بیت المقدس کے قریب قلندیا چیک پوائنٹ کے نزدیک قابض فوج کی فائرنگ سے ایک نوجوان زخمی ہوا۔

دوسری جانب اقوام متحدہ میں عرب ممالک کے سفارتی نمائندوں کے گروپ نے، 80 سے زائد ممالک اور تنظیموں بشمول سازمان همکاری اسلامی کے ساتھ، ایک مشترکہ بیان میں اسرائیلی کابینہ کے اس منصوبے کی شدید مذمت کی جس کے تحت کرانہ باختری میں زمین کی رجسٹریشن کے عمل کو "اسرائیل کی سرکاری املاک” کے عنوان سے شروع کیا جا رہا ہے، جس سے فلسطینی زمینوں کے قبضے کو باضابطہ حیثیت دی جاتی ہے۔

اقوام متحدہ میں فلسطین کے مستقل نمائندے ریاض منصور نے 80 سے زائد ممالک اور تنظیموں کی نمائندگی کرتے ہوئے بیان پڑھا اور کہا کہ ہم ان یکطرفہ فیصلوں اور اقدامات کی سخت مذمت کرتے ہیں جن کا مقصد کرانہ باختری میں اسرائیل کی غیرقانونی موجودگی کو وسعت دینا ہے۔ یہ اقدامات بین الاقوامی قوانین کے تحت اسرائیل کی ذمہ داریوں کے منافی ہیں اور انہیں فوری طور پر منسوخ کیا جانا چاہیے۔

انہوں نے فلسطینی اتھارٹی کی جانب سے کسی بھی ایسے اقدام کی سخت مخالفت پر زور دیا جس کا مقصد فلسطینی اراضی کو دیگر مقبوضہ علاقوں میں ضم کرنا ہو۔