سچ خبریں:مڈل ایسٹ مانیٹر ویب سائٹ نے سعودی ولی عہد کی جانب سے اپنے ملک کے اندر اور باہر کیے جانے والے منفی اقدامات کا ذکرکرتے ہوئے کہا کہ سعودی ولی عہد مشرق وسطیٰ کو عدم استحکام کی طرف لے جا رہے ہیں۔
مڈل ایسٹ مانیٹر کی ویب سائٹ نے اپنی ایک رپورٹ میں لکھا ہے کہ سعودی ولی عہد محمد بن سلمان مشرق وسطیٰ میں عدم استحکام کا باعث بن رہے ہیں لہذا ان کے خلاف جامع تعزیری اقدامات کیے جانے چاہیے،ویب سائٹ نے اپنی تجزیاتی رپورٹ میں زور دیا کہ امریکی صدر جو بائیڈن کو اس ظالم سے نمٹنا چاہیےکیونکہ بن سلمان کی پالیسی مشرق وسطیٰ اور اس سے باہر عدم استحکام کا باعث بنے گی۔
ویب سائٹ کے مطابق محمد بن سلمان کو انسانی حقوق کی خلاف ورزیوں، سیاسی قیدیوں، ان پر تشدد اور یمن میں تباہ کن جنگ کے لیے جوابدہ ہونا چاہیے، مڈل ایسٹ مانیٹر ویب سائٹ نے لکھا کہ وائٹ ہاؤس میں داخل ہونے سے پہلے جو بائیڈن نے سعودی انسانی حقوق کے معاملے کی تحقیقات کا وعدہ کیاتھا ،تاہم انھوں نے ابھی تک اپنے اس سلسلہ میں اپنے وعدوں پر عمل نہیں کیا۔
رپورٹ میں مزیدآیا ہے کہ سعودی عرب کو جوابدہ ہونا چاہیے اور اس پر پابندیاں عائد کی جانی چاہیے جبکہ موجودہ سعودی حکومت کے پاس انسانی حقوق کے بین الاقوامی معیارات کا احترام کرنے کے علاوہ کوئی چارہ نہیں ہے،ویب سائٹ نے مزید لکھا ہے کہ محمد بن سلمان سعودی عرب اور علاقائی سطح پر اپنی گمراہ کن پالیسیوں کے نتیجے میں چیلنجوں کے ایک نئے دور میں داخل ہو گئے ہیں۔
