متحدہ عرب امارات پر انصار اللہ کے حملے کے بارے میں صہیونی میڈیا کا تجزیہ

?️ 19 جنوری 2022

سچ خبریں:یمن کی مظلوم قوم کے خلاف جارحانہ اور مجرمانہ اتحاد میں شامل متحدہ عرب امارات کے ٹھکانوں پر انصار اللہ کے مجاہدین کے حملے کو صیہونی حکومت کے عبرانی زبان میڈیا میں بڑے پیمانے پر رپورٹ کیا گیا۔
صیہونی حکومت کے عبرانی زبان کے ذرائع ابلاغ نے متحدہ عرب امارات کے ٹھکانوں پر انصار اللہ کے مجاہدین کے حملے پر رد عمل کا اظہار کرتے ہوئے ان حملوں کے دہرائے جانے یہاں تک کہ اس کے پھیلاؤ پر تشویش کا اظہار کیا۔

عبرانی زبان کی نیوز وان ویب سائٹ نے ایک تجزیاتی رپورٹ میں لکھا کہ ابوظہبی میں راکٹ حملے سے وہ ڈراؤنا خواب سچ ہو گیا جس سےمتحدہ عرب امارات کے یمن میں جہنم میں داخل ہونے کے بعد سے پریشان تھا، سائٹ نے لکھا کہ حوثیوں نے اپنے ڈرون یا میزائل متحدہ عرب امارات کے دارالحکومت ابوظہبی بھیجے جس سےآج یمن میں جنگ کی سرخ لکیر ٹوٹ گئی ، حوثی گروپ نے اپنے میزائل اور ڈرون متحدہ عرب امارات کو بھیجے ہیںجو سالوں سے جنوبی سعودی عرب میں متعد ٹھکانوں کو نشانہ بنا رہے تھے ۔

اس تجزیے مصنف کے مطابق اس سے پہلے حوثی سعودی عرب پر حملہ کرتے تھے جبکہ انھوں نے کبھی متحدہ عرب امارات کو نشانہ نہیں بنایا تاکہ اس شیخ نشین ریاست کو سعودی عرب کے ساتھ اتحاد چھوڑنے پر آمادہ کیا جا سکے، جو انھوں نے 2015 میں یمن پر جنگ مسلط کرنے کے لیے بنایا تھا۔

عبرانی زبان کے ذرائع ابلاغ کے تجزیہ کار یارون فریڈمین کے مطابق، ابوظہبی پر انصار اللہ کے حالیہ حملے کے اسرائیل کے لیے خاص اثرات ہوں گےکیونکہ اسرائیل اور متحدہ عرب امارات ایک سال پہلے سے مختلف اقتصادی اور اسٹریٹجک مفادات رکھتے ہیں۔