شام کے بارے میں نیتن یاہو کی انٹیلی جنس حکام کے ساتھ میٹنگ میں کیا ہوا ؟

?️ 30 نومبر 2024

سچ خبریں: عبرانی میڈیا نے اعلان کیا کہ اسرائیلی وزیر اعظم بنجمن نیتن یاہو نے شام اور لبنان کے حوالے سے اس حکومت کی انٹیلی جنس سروسز کے سربراہوں کے ساتھ گزشتہ رات ایک خصوصی ملاقات کی۔

صہیونی آرمی ریڈیو نے باخبر ذرائع کے حوالے سے خبر دی ہے کہ اس ملاقات میں دہشت گرد عناصر کے حلب اور اس کے نواحی علاقوں پر حملے کے بعد شام میں تازہ ترین پیش رفت پر تبادلہ خیال کیا گیا۔

واضح رہے کہ صیہونی حکومت کو گزشتہ ایک سال کے دوران مزاحمت کے محور سے ملنے والی تکلیف دہ ضربوں کے بعد یہ حکومت امریکہ اور اس کے شراکت داروں کے ساتھ مل کر شام میں دہشت گردانہ نظریات اور ان کی فوجی حمایت کو دمشق اور اس کے اتحادیوں پر قبضہ کرنے کے لیے دوبارہ فروغ دے رہی ہے۔