سچ خبریں:ایمنسٹی انٹرنیشنل کے سکریٹری جنرل نے کہا کہ یہ تنظیم فلسطینیوں کے خلاف صیہونی حکومت کے نسل پرستانہ جرائم کے انکشاف کے بارے میں اپنی رپورٹ کی تکمیل تک اپنی کوششوں سے دستبردار نہیں ہوگی۔
رشیا ٹوڈے کی رپورٹ کے مطابق گزشتہ روز ایمنسٹی انٹرنیشنل کی سکریٹری جنرل اگنیس کالمارڈ، جو پہلے ماورائے عدالت قتل کے بارے میں اقوام متحدہ کی خصوصی نمائندہ تھیں، نے مغربی کنارے کے شہر رام اللہ میں فلسطینی اتھارٹی کے صدر محمود عباس سے ملاقات کی جس میں انھوں نے کہا کہ ہمیں فلسطینی اتھارٹی کے سربراہ کی طرف سے ایک دعوت نامہ موصول ہوا ہے جس میں ہم سے رپورٹ طلب کی کہ ہم نے کیا کیا ہے ۔
رپورٹ کے مطابق انہوں نے مزید کہاکہ یہ رپورٹ اسرائیلی حکام کی طرف سے بنائے گئے نسل پرستانہ نظام اور فلسطینیوں کے خلاف نسل پرستانہ جرائم کے بارے میں ہے، انہوں نے کہا کہ نسل پرستی کے خاتمے کے لیے ہم پوری دنیا کے سامنے کیا کر رہے ہیں اس پر گہری بحث جاری ہے،لیکن ہم اس وقت تک کام جاری رکھیں گے جب تک اسرائیل کے نسل پرستانہ جرائم کو بے نقاب نہیں کیا جاتا۔
ایگنیس کالمارڈ نے کہا کہ اسرائیل نے رپورٹ پر کسی بھی بحث کو مسترد کر دیا ہے،انھوں نے کہا کہ اس رپورٹ کا اجرا اس سمت میں پہلا قدم تھا اور ہم 70 بین الاقوامی تنظیموں کے ساتھ مل کر اسرائیل کی طرف سے جاری نسل پرستانہ سلوک کو ختم کرنے کے لیے کام کررہے ہیں۔