فلسطینی عوام اپنی مزاحمتی روش کو کبھی نہیں چھوڑیں گے: جہاد اسلامی

?️ 26 اگست 2021

سچ خبریں:فلسطینی جہاد اسلامی تحریک کے ترجمان نے زور دیا کہ فلسطینی مزاحمت اس وقت تک جاری رہے گی جب تک ان کے مقاصد مکمل طور پر حاصل نہیں ہو جاتے۔

فلسطینی جہاد اسلامی تحریک کے ترجمان طارق سلمی نے صہیونی حکومت کی طرف سے غزہ کی پٹی کے مسلسل محاصرے کے خلاف فلسطینیوں کے مظاہروں جنہیں صیہونی فوجی جارحیت کا سامنا کرنا پڑا، کے بعد کہا کہ ہم جنوبی غزہ کی پٹی ،خانیونس اور رفح کے رہائشیوں کو سلام کرتے ہیں جو دشمن کے خلاف مزاحمت کے شعلوں کو جلانے اور اپنے حقوق کو دوبارہ حاصل کرنے نیز جابرانہ محاصرے کو توڑنے کے لیے اٹھ کھڑے ہوئے ہیں۔

جہاد اسلامی کے ترجمان نے ایک پریس ریلیز میں اس بات پر زور دیا کہ آج فلسطینی عوام کا پیغام یہ ہے کہ محاصرہ ہو یا دہشت گردی کوئی چیز فلسطینیوں کی آزادی اور وقار کے حصول میں ان کی کوششوں کی راہ میں رکاوٹ نہیں بن سکتی،انہوں نے کہا کہ فلسطینی عوام کسی بھی قیمت پر اپنی مزاحمت کا راستہ نہیں چھوڑیں گے۔

طارق سلمی نے مزید کہا کہ محاصرہ ختم ہو جائے گا اور قابض حکومت تباہ ہو جائے گی نیز انشاء اللہ فلسطینی مزاحمت اس وقت تک جاری رہے گی جب تک اس سرزمین کے لوگوں کے مکمل اہداف حاصل نہیں ہو جاتے،یادرہے کہ مشرقی خانیوس میں صیہونیوں کی جانب سے محاصرہ جاری رکھے جانے کے خلاف بدھ کے روز ہزاروں فلسطینی سڑکوں پر نکل آئے۔

واضح رہے کہ یہ مظاہرے غزہ کے مسلسل محاصرے اور صیہونی حکومت کی جانب سے پٹی کی تعمیر نو میں تاخیر کے ساتھ ساتھ یروشلم کو یہودی بنانے کی پالیسی اور مسجد اقصیٰ کی حمایت میں کیے گئے،جہاں صہیونی ملیشیا نے فلسطینی مظاہروں کو کچلنے کی کوشش کرتے ہوئے 21 فلسطینی نوجوانوں کو زخمی کر دیا۔

یادرہے کہ فلسطینی مزاحمتی گروپ اس سے قبل فلسطینیوں سے بدھ کی رات ہونے والے مظاہروں میں حصہ لینے کا مطالبہ کر چکے ہیں۔