غزہ کے خلاف صیہونی جارحیت صحافیوں کے لیے کیسی ہے؟

?️ 4 نومبر 2023

سچ خبریں: فلسطینی ذرائع ابلاغ نے تازہ ترین اعدادوشمار میں اعلان کیا ہے کہ غزہ کی پٹی میں صیہونی جنگی طیاروں کی بمباری میں 46 صحافی شہید ہو چکے ہیں۔

مرکزاطلاعات فلسطین کی رپورٹ کے مطابق کمیٹی ٹو پروٹیکٹ جرنلسٹس (سی پی جے) نے اعلان کیا کہ غزہ کے خلاف اسرائیل کی جنگ 30 سال سے زائد کے عرصے میں صحافیوں کے لیے سب سے خونریز جنگ ہے۔

یہ بھی پڑھیں: غزہ کی جنگ میں اب تک مارے جانے والے صحافی

غزہ کی پٹی میں فلسطینی اتھارٹی کے میڈیا آفس نے تازہ ترین اعدادوشمار میں اعلان کیا ہے کہ 7 اکتوبر کو طوفان الاقصی کی جنگ کے آغاز سے اب تک صیہونی حکومت کے حملوں میں 46 صحافی شہید ہو چکے ہیں۔

غزہ کی پٹی میں فلسطینی وزارت صحت کے ترجمان ناصر غدرہ نے صحافیوں سے بات کرتے ہوئے کہا کہ صیہونی جنگی طیاروں کی بمباری میں شہید ہونے والوں کی تعداد 9 ہزار سے تجاوز کر گئی ہے۔

اس سلسلے میں انہوں نے کہا کہ صیہونی حکومت نے حالیہ چند گھنٹوں میں مزید 16 حملے کیے جن کے نتیجے میں 198 فلسطینی شہید ہوئے۔

غدرہ کے مطابق شہداء کی تعداد 9227 ہو گئی ہے جن میں 3826 بچے اور 2405 خواتین ہیں جبکہ زخمیوں کی تعداد 23516 تک پہنچ گئی ہے۔

مزید پڑھیں: صحافیوں کے ساتھ صیہونی حکومت کا سلوک

غزہ کی پٹی میں فلسطینی وزارت صحت کے ترجمان نے مزید کہا کہ 1200 بچے اب بھی ملبے تلے دبے ہوئے ہیں جبکہ 136 پیرامیڈیکس مارے گئے، 25 ایمبولینسیں مکمل طور پر تباہ ہوئیں، 126 ہسپتال اور 50 دیگر طبی مراکز کو نشانہ بنایا گیا۔