غزہ کی پٹی پر اے ایف پی کا بے مثال بیان

سچ خبریں: فرانسیس خبررساں ادارے (اے ایف پی) نے ایک سرکاری بیان جاری کرتے ہوئے غزہ پٹی میں موجود اپنے 10 نامہ نگاروں کے مستقبل پر گہری تشویش کا اظہار کیا ہے۔

 ادارے نے زور دے کر کہا کہ جنگ کے آغاز سے لے کر اب تک، ان نامہ نگاروں نے انتہائی مشکل حالات کے باوجود خطے سے خبریں اور ویڈیوز فراہم کرنے کا سلسلہ جاری رکھا ہے۔

بیان میں متنبہ کیا گیا ہے کہ ان نامہ نگاروں کی بھوک سے موت کا خطرہ ہر لمحہ موجود ہے۔ یہ پہلا موقع ہے کہ 1944 میں قائم ہونے والے اس ادارے نے اپنی تاریخ میں ایسا غیرمعمولی بیان جاری کیا ہے۔

اے ایف پی نے واضح کیا کہ یہ نامہ نگار غزہ پٹی میں باقی رہ جانے والے چند منتخب رپورٹرز میں شامل ہیں، جو فی الوقت خوراک اور پینے کے صاف پانی کی شدید قلت کا سامنا کر رہے ہیں۔

ادارے کے فوٹوگرافر بشار، جو 2010 سے خدمات انجام دے رہے ہیں، نے گزشتہ کچھ دنوں میں سوشل میڈیا پر ایک پوسٹ کے ذریعے بتایا کہ ان میں کام کرنے کی اب کوئی طاقت نہیں رہی۔ ان کا جسم کمزور ہو چکا ہے، اور وہ مزید سرگرمیاں جاری نہیں رکھ سکتے۔

جنوبی غزہ پٹی میں تعینات ایک اور نامہ نگار احلام نے تصدیق کی کہ وہاں نہ تو پانی دستیاب ہے اور نہ ہی خوراک۔

اپنے بیان کے اختتام پر، فرانسیس خبررساں ادارے نے عالمی برادری سے اپیل کرتے ہوئے کہا کہ ادارے کے کسی بھی نامہ نگار کو اس سے قبل جنگ کے انتہائی خطرناک علاقوں میں بھوک سے موت کے خطرے کا سامنا نہیں کرنا پڑا۔