غزہ کی تباہی کی تصاویر شائع کرنے پر پابندی

سچ خبریں: صہیونی ریژیم کے میڈیا نے تصدیق کی ہے کہ اسرائیلی حکومت نے غزہ کی تباہی کی تصاویر شائع کرنے پر پابندی عائد کردی ہے۔

عبرانی اخبار ہارٹز نے افشا کیا ہے کہ صہیونی فوج نے ہوائی امدادی کارروائیوں میں شامل فضائیہ کے اہلکاروں کو ہدایت جاری کی ہے کہ وہ نامہ نگاروں کو غزہ میں ہونے والی وسیع پیمانے کی تباہی کی تصاویر لینے یا نشر کرنے سے روکیں۔

رپورٹ کے مطابق، اسرائیلی حکام نے دھمکی دی ہے کہ اگر غزہ پٹی میں ہونے والی المناک تباہی کی ویڈیوز منظر عام پر آئیں، تو وہ ہوائی امدادی کارروائیوں کو فوری طور پر روک دیں گے۔

اس کے برعکس، العربیہ نیٹ ورک نے غزہ کو ہوائی امداد بھیجنے کی کچھ تصاویر جاری کی ہیں۔

فلسطینی ذرائع اور اقوام متحدہ سے وابستہ اداروں کا کہنا ہے کہ ہوائی امداد ناکافی ہے اور غزہ کے باشندوں کی خوراک اور ادویات کی شدید ضروریات کو پورا نہیں کرتی۔ ان ذرائع نے گذرگاہوں کو کھولنے اور زمینی راستے سے امداد کی فراہمی پر زور دیا ہے۔