غزہ میں جنگ بندی کیوں نہیں ہو رہی؟ روس کی زبانی

?️ 23 دسمبر 2023

سچ خبریں: اقوام متحدہ میں روس کے نمائندے نے جنگ بندی کے قیام کی مخالفت میں امریکہ کے موقف پر تنقید کرتے ہوئے کہا کہ امریکہ اسرائیل کو غزہ میں قتل عام جاری رکھنے کی اجازت دے رہا ہے۔

اسپوٹنک نیوز ایجنسی کی رپورٹ کے مطابق اقوام متحدہ میں روس کے نمائندے واسیلی نیبنزیا نے سلامتی کونسل کے اجلاس میں اسرائیل کے ہاتھوں غزہ کے شہریوں کے قتل عام کو نہ روکنے کے لیے امریکہ کی کوششوں پر کڑی تنقید کی۔

یہ بھی پڑھیں: کیا امریکہ کو غزہ سے متعلق سلامتی کونسل کی قرارداد ویٹو کرنا چاہیے تھی؟ امریکی سنیٹر کا کیا کہنا ہے؟

اقوام متحدہ کی سلامتی کونسل میں ایک قرارداد کی منظوری کے بعد جس میں غزہ کے لیے انسانی امداد میں اضافے کا مطالبہ کیا گیا ہے، روس کے نمائندے نے وضاحت کی کہ امریکہ کی رکاوٹوں کے باوجود ماسکو نے اس قرارداد کو ویٹو کیوں نہیں کیا۔

واسیلی نیبنزیا نے ایک بیان میں کہا کہ واشنگٹن اسرائیل کو فلسطینی شہریوں کا قتل عام کرنے کی اجازت دینے پر مبنی ایک شیطانی کھیل کھیل رہا ہے۔

روسی نمائندے نے مزید کہا کہ خطے میں امریکی مشاورت کا مقصد امن کو فروغ دینا نہیں ہے۔

انہوں نے کہا کہ امریکہ خطے کا دورہ کر رہا ہے لیکن امن کو فروغ دینے کے لیے نہیں – جیسا کہ میرے امریکی ساتھی نے کہا – بلکہ واشنگٹن کے قلیل مدتی مفادات کو یقینی بنانے کے لیے۔

اس اعلیٰ ترین روسی سفارت کار نے یہ وضاحت کی کہ ماسکو نے مذکورہ دستاویز کو ویٹو کیوں نہیں کیا۔

انہوں نے واضح کیا کہ ساتھیوں، اگر اس دستاویز کو کئی عرب ممالک کی حمایت حاصل نہ ہوتی تو ہم اسے ویٹو کر دیتے۔

انہوں نے مزید کہا کہ اس کے ساتھ ہی ہم جانتے ہیں کہ اس قرارداد کے مسودہ سازوں میں سے کچھ نے، جن میں عرب ممالک بھی شامل ہیں، اس کی حمایت سے دستبردار ہو گئے ہیں، لیکن ہم ہمیشہ اس رائے پر قائم ہیں کہ عرب دنیا اپنا فیصلہ خود کرنے اور اس کی مکمل ذمہ داری قبول کی صلاحیت رکھتی ہے ۔

مزید پڑھیں: غزہ کے مستقبل کے لیے واشنگٹن کے خواب

نئی قرارداد کی منظوری اس وقت عمل میں آئی جب کہ گزشتہ دنوں اس پر ووٹنگ چار بار ملتوی کی گئی،آخرکار، امریکی نمائندے نے جمعہ کو اعلان کیا کہ وہ نئے ترمیم شدہ متن پر ووٹ دینے کے لیے تیار ہے۔