غزہ جنگ کے ڈراؤنے خوابوں سے پریشان صہیونی فوجی کی خودکشی

?️ 14 مارچ 2022

سچ خبریں:صیہونی ذرائع ابلاغ نے انکشاف کیا ہے کہ 2014 میں غزہ کی پٹی پر حملوں میں زخمی ہونے والے ایک صہیونی فوجی نے جنگی مناظر کے خوف سے خودکشی کر لی تھی۔
صیہونی اخبار Yedioth Ahronoth نے آج اتوار کوحالیہ دنوں میں ایک صہیونی فوجی کی خودکشی کا انکشاف کیا ہے،رپورٹ کے مطابق سلفیت کے قریب الکانا قصبے کا رہائشی 27 سالہ روفین ماجن جنگ کے دوران ٹانگ میں شدید زخمی ہو گیا تھا جو ٹینک شکن میزائل سے پانچ اسرائیلی فوجیوں کی ہلاکت اوراپنے زخمی ہونے کی وجہ سے نفسیاتی طور پر بیمار ہو گیا ۔

عبرانی زبان میں شائع ہونے والے اخبار کے مطابق صہیونی فوجی کا جسمانی اور ذہنی طور پر علاج کیا گیا تھا لیکن کئی سالوں سے ڈراؤنے خوابوں نے اس کا پیچھا نہیں چھوڑا، اس کی بہن کے مطابق اس کے ساتھیوں کے مارے جانے اور خود کو زخمی ہونے کا ہولناک منظر اس کی آنکھوں سے کبھی پوشیدہ نہیں رہا۔

یادرہے کہ ٹائمز آف اسرائیل نے حال ہی میں اطلاع دی کہ اسرائیلی فوج کے تازہ ترین اعدادوشمار کے مطابق 2021 میں کم از کم 11 فوجیوں نے خودکشی کی ہے جس کی وجہ مزاحمتی تحریک میں ان کے سامنے ہونے والے واقعات ہیں جو انھیں ہر وقت پریشان کرتے ہیں اور ڈرؤنے خواب کی شکل میں ان کی جان پر بنے رہتے ہیں۔