غزہ جنگ کے نتیجے میں برطانیہ میں لوگوں کے مسلمان ہونے کی خبر نے مچایا تہلکہ 

سچ خبریں: ایف ایف ایل اکیڈمی کی ایک رپورٹ میں انکشاف کیا گیا ہے کہ غزہ میں ہونے والے واقعات کے نتیجے میں برطانیہ کے کثیر تعداد میں باشندوں نے اسلام قبول کر لیا ہے۔

صہیونیستی اخبار معاریو نے اس رپورٹ کا حوالہ دیتے ہوئے اس رجحان کو خوفناک معلومات قرار دیا ہے۔

صہیونیستی ویب سائٹ آئی 24 نے اس سلسلے میں لکھا ہے کہ ایک نئی انگریزی رپورٹ میں شہریوں کے اسلام قبول کرنے میں نمایاں اضافے کی نشاندہی کی گئی ہے۔ رپورٹ کے مطابق، یہ اضافہ عالمی جنگوں اور تنازعات، خاص طور پر صہیونیستی ریاست کے غزہ پر حملوں میں شدت کی وجہ سے ہوا ہے۔

ٹیلی گراف اخبار کی شائع کردہ رپورٹ کے مطابق، انسٹی ٹیوٹ فار دی امپیکٹ آف فیث آن لائف (IIFL) کے محققین نے دریافت کیا ہے کہ عالمی تنازعات برطانوی باشندوں کے اسلام قبول کرنے کی سب سے عام وجہ ہیں۔

2,774 ایسے افراد کے سروے کے نتائج کے مطابق جنہوں نے اپنے مذہبی عقائد تبدیل کیے تھے، اسلام قبول کرنے والوں میں سے 20% نے کہا کہ بین الاقوامی جنگوں نے ان کے فیصلے کو متاثر کرنے میں اہم کردار ادا کیا۔ رپورٹ میں وضاحت کی گئی ہے کہ زیادہ تر مذہب تبدیل کرنے والے، خاص طور پر نوجوان، محسوس کرتے ہیں کہ دنیا زیادہ ظلم کی طرف بڑھ رہی ہے اور میڈیا پر بڑھتا ہوا شک انہیں اسلام کی طرف راغب کر رہا ہے، کیونکہ اسلام ایک ایسا مذہب ہے جو اخلاقیات اور انصاف پر قائم ہے۔