عراق کے صوبوں بغداداور الانبار میں داعش کے 20 تکفیری ارکان گرفتار

🗓️ 14 فروری 2022

سچ خبریں:عراق کی فیڈرل پولیس کمانڈ نے ایک بیان جاری کرتے ہوئے بغداد اور الانبار کے دو صوبوں میں داعش کے 20 تکفیری عناصر کی گرفتاری کا اعلان کیا ہے۔
سومریہ نیوزایجنسی کی رپورٹ کے مطابق عراق کے مختلف علاقوں میں اس ملک کی سکیورٹی فورسز کی انسداد دہشت گردی کی کارروائیوں کا سلسلہ بدستور جاری ہے، جس کے تحت عراقی فورسز نے حال ہی میں دو عراقی صوبوں میں الگ الگ آپریشن شروع کیے ہیں۔

رپورٹ کے مطابق عراق کی فیڈرل پولیس کمانڈ نے ایک بیان جاری کرتے ہوئے داعش کے 20 تکفیری عناصر کی گرفتاری کا اعلان کیا ہے، وفاقی پولیس کمانڈ نے اعلان کیا ہے کہ دو صوبوں میں بیس تکفیریوں کو گرفتار کر لیا گیا ہے، عراقی فیڈرل پولیس کمانڈ کے مطابق دہشت گردوں کو بغداد اور الانبار صوبوں سے گرفتار کیا گیا۔

عراق کی وفاقی پولیس کمان نے تصدیق کی ہے کہ گرفتار دہشت گرد حالیہ مہینوں میں مطلوب تھے اس لیے کہ یہ عناصر اس ملک میں ہونے والی کئی دہشتگردانہ کاروائیوں میں ملوث تھے،دریں اثناء صوبہ الانبار کے علاقے القائم میں انسداد دہشت گردی کی کارروائی کے دوران الحشد الشعبی فورسز داعش کے باقی ماندہ عناصر سے تعلق رکھنے والے کچھ ہتھیاروں کو قبضے میں لینے میں کامیاب ہو گئیں۔