?️
عراق کے حالیہ پارلیمانی انتخابات کے نتائج واشنگٹن کے لیے مایوس کن ثابت ہوئے ہیں
امریکی اخبار الاخبار کے مطابق عراق کے حالیہ پارلیمانی انتخابات کے نتائج واشنگٹن کے لیے مایوس کن ثابت ہوئے ہیں۔ رپورٹ میں کہا گیا ہے کہ عراق میں مزاحمتی جماعتوں کی سیاسی موجودگی نہ صرف برقرار رہی بلکہ زیادہ مستحکم ہوکر پارلیمان میں نمایاں ہوئی ہے، جس سے امریکہ کے قریب سمجھے جانے والے گروہوں کا اثر کم ہوا ہے۔
الاخبار کے مطابق شیعہ اتحاد جو پارلیمان کی سب سے بڑی فریق بن کر ابھرا ہے، مختصر مدت میں نئے وزیر اعظم کے انتخاب کی کوشش کر رہا ہے۔ اتحاد کی ترجیح یہ ہے کہ داخلی یکجہتی برقرار رہے اور بیرونی مداخلت محدود ہو۔
رپورٹ میں بتایا گیا ہے کہ عراقی مزاحمتی گروہوں نے پارلیمان میں 25 سے زیادہ نشستیں حاصل کی ہیں، جن میں سے صرف کتائب حزب اللہ کو سات نشستیں ملی ہیں۔ یہ نتیجہ واشنگٹن کی اس کوشش کے لیے بڑی رکاوٹ سمجھا جا رہا ہے جس کا مقصد ان گروہوں کے کردار کو محدود کرنا تھا۔
الاخبار نے لکھا ہے کہ امریکہ بغداد پر دباؤ بڑھا رہا ہے۔ ٹرمپ انتظامیہ عراق کے سیاسی اور معاشی استحکام کو مالیاتی اور تجارتی ذرائع، خصوصاً ڈالر کی منتقلی اور فیڈرل ریزرو کی مالی ونڈو سے مشروط کرنا چاہتی ہے، تاکہ مزاحمتی گروہوں کے غیر مسلح کیے جانے سے متعلق مطالبات منوائے جائیں۔
اخبار نے دعویٰ کیا ہے کہ ٹرمپ کے ایلچی مارک ساویا بغداد میں متعدد ملاقاتوں کے دوران عراقی رہنماؤں تک وائٹ ہاؤس کے براہِ راست پیغامات پہنچا چکے ہیں۔ ان پیغامات میں زور دیا گیا ہے کہ نئی حکومت میں ایسا چہرہ لایا جائے جو واشنگٹن کے لیے نرم رویہ رکھتا ہو۔
باوجود اس کے کہ امریکہ سیاسی دباؤ بڑھا رہا ہے، الاخبار کے مطابق واشنگٹن یہ بھی سمجھتا ہے کہ عراق سے تصادم کو بہت زیادہ نہیں بڑھایا جا سکتا، کیونکہ دہشت گردی کے خلاف جنگ اور توانائی کے عالمی بازاروں میں استحکام کے لیے بغداد اس کے لیے اہم ہے۔ یہی وجہ ہے کہ امریکہ عراق کے حوالے سے "چابک اور گاجر” کی پالیسی اپنائے ہوئے ہے۔
عراقی سیاسی تجزیہ کار عبدالستار العیساوی نے بھی کہا کہ انتخابی نتائج نے امریکہ کو مایوس کیا ہے۔
رپورٹ میں مزید بتایا گیا ہے کہ بغداد میں سفارتی ذرائع اس بات کی تصدیق کر رہے ہیں کہ ایک امریکی وفد جلد عراق کا دورہ کرے گا تاکہ نئی حکومت کی ساخت کے بارے میں اپنے تازہ پیغامات عراقی سیاست دانوں تک پہنچا سکے۔
عراقی سیاست دان داوود القیسی کے مطابق ملک ایک نہایت حسّاس مرحلے میں داخل ہو چکا ہے اور حکومت سازی کا ہر قدم علاقائی و عالمی اثرات سے جڑا ہوا ہے۔
واضح رہے کہ عراقی الیکشن کمیشن نے پیر کی شب انتخابات کے حتمی نتائج جاری کیے جن کے مطابق شیعہ جماعتوں نے 187، سنی اتحادوں نے 76 اور کرد گروہوں نے 56 نشستیں حاصل کی ہیں۔ نتائج کے اعلان کے بعد شیعہ اتحاد "چارچوبِ ہمآہنگی” نے خود کو پارلیمان کی سب سے بڑی فریق قرار دے دیا ہے۔


مشہور خبریں۔
موجودہ حکومت کتنی دیر چلے گی؟ اسد قیصر کی زبانی
?️ 23 جون 2024سچ خبریں: سابق اسپیکر قومی اسمبلی اور پاکستان تحریک انصاف کے رہنما
جون
تل ابیب ایران کے سیکورٹی خطرات کو برداشت کرنے سے قاصر
?️ 10 مئی 2022سچ خبریں: اسرائیل کے سابق وزیر اعظم نیامین نیتن یاہو نے لیکود
مئی
یونان نے یورپ میں ایک اور جنگ سے آگاہ کیا
?️ 8 ستمبر 2022سچ خبریں: یونانی حکومت نے نیٹو میں اپنے شراکت داروں، یورپی
ستمبر
ہفتہ وار مہنگائی اضافے کے بعد 29.6 فیصد ریکارڈ
?️ 28 اکتوبر 2023اسلام آباد: (سچ خبریں) پیٹرولیم مصنوعات کی قیمتوں میں بڑی کمی کے
اکتوبر
اسرائیل عراق میں "سخت مزاحمت” کو برداشت نہیں کر سکتا۔ نیتن یاہو غصے میں ہیں
?️ 1 اکتوبر 2025سچ خبریں: ایک ترک ماہر نے اقوام متحدہ میں عراقی مزاحمت پر
اکتوبر
مون سون؛ سندھ میں بلدیاتی اداروں کے عملے کی چھٹیاں منسوخ
?️ 19 جولائی 2025کراچی (سچ خبریں) سندھ حکومت نے مون سون بارشوں میں ممکنہ حادثات
جولائی
ایران کے خلاف جنگ کی مالی اعانت میں ٹرمپ انتظامیہ کو مشکلات کا سامنا: بلومبرگ
?️ 25 جولائی 2026سچ خبریں:بلومبرگ نے اپنی ایک رپورٹ میں کہا ہے کہ ایران کے
جولائی
سلمان رشدی کے حملہ آور کی شناخت کا اعلان
?️ 13 اگست 2022سچ خبریں: نیویارک پولیس کی رپورٹ میں بتایا گیا ہے کہ جس
اگست