عراق کی ترکی کے خلاف سلامتی کونسل میں شکایت

24 جولائی 2022

سچ خبریں:عراق کی وزارت خارجہ نے اپنے ملک کی سرزمین پر ترکی کے حملوں کے خلاف سلامتی کونسل میں شکایت درج کرائی۔
رشیا ٹوڈے کی رپورٹ کے مطابق عراق کی وزارت خارجہ نے ایک بیان جاری کرتے ہوئے اعلان کیا ہے کہ اس نے اپنے ملک کے شمال میں ترک افواج کی جارحیت کے خلاف اقوام متحدہ کی سلامتی کونسل میں شکایت کی ہے اور اس مسئلہ سے نمٹنے کے لیے ہنگامی اجلاس بلانے کو کہا ہے، رپورٹ کے مطابق عراقی وزارت خارجہ کے بیان میں کہا گیا ہے کہ وزارت خارجہ نے اعلان کیا ہے کہ اس نے سلامتی کونسل کو ایک شکایت پیش کی ہے اور درخواست کی ہے کہ سلامتی کونسل ترکی کی جارحیت سے نمٹنے کے لیے ہنگامی اجلاس منعقد کرے۔

واضح رہے کہ بدھ کو ترک افواج کی جانب سے کیے جانے والے حملے کے بعد عراقی حکومت نے اقوام متحدہ کی سلامتی کونسل میں ترکی کے خلاف شکایت کرنے کا فیصلہ کیا، نیز عراقی وزیر اعظم مصطفیٰ الکاظمی کو حکم دیا گیا کہ وہ عراقی سرزمین پر ترکی کی جاری جارحیت کی ایک جامع فائل تیار کرکے سلامتی کونسل میں پیش کریں۔

قابل ذکر ہے کہ گزشتہ بدھ کی صبح ترکی کے لڑاکا طیاروں نے عراق کے صوبہ دوہوک میں برخ سیرگاہ کو نشانہ بنایا تھا جس میں 9 افراد ہلاک اور 23 شہری زخمی ہوئے تھے۔