عراق کا ریاض دمشق مفاہمت کا خیر مقدم

?️ 14 اپریل 2023

سچ خبریں:عراقی وزارت خارجہ نے سعودی عرب اور شام کے درمیان قریبی سیاسی تعلقات کی حمایت کرتے ہوئے ایک بیان میں اس بات پر زور دیا کہ ان کا ملک شام کے بحران کے حل کے لیے کسی بھی کوشش کی حمایت کرتا ہے۔

المعلومہ نیوز ویب سائٹ کی رپورٹ کے مطابق عراقی وزارت خارجہ نے دمشق اور ریاض کے درمیان سفارتی تعلقات کی بحالی اور دونوں ممالک کے درمیان مفاہمت کا خیرمقدم کیا۔

اس رپورٹ کی بنیاد پر عراقی وزارت خارجہ نے اپنے بیان میں کہا کہ بغداد کو امید ہے کہ سعودی اور شام کی کوششوں سے دونوں ممالک کے درمیان یکجہتی میں اضافہ ہوگا جس سے عرب ممالک کی سرگرمیوں کو فائدہ پہنچے گا۔

اس بیان میں کہا گیا ہے کہ عراق شام کے بحران کے حل کے لیے کسی بھی کوشش کا خیر مقدم کرتا ہے اور پرامن طریقہ سے شامی بحران کے خاتمے کی بھرپور حمایت کرتا ہے، بیان میں مزید کہا گیا ہے کہ ہم شام کو عرب ماحول میں واپس لانے کے لیے دنیا کے ممالک کے ساتھ ہم آہنگی کرنے کو تیار ہیں نیز ہم خطے میں بحرانوں کے خاتمے کے لیے کسی بھی کوشش سے دریغ نہیں کریں گے۔

یاد رہے کہ شام کے وزیر خارجہ فیصل المقداد بدھ کی شام سعودی عرب پہنچے جہاں دونوں فریقوں نے دونوں ممالک کے درمیان قونصلر خدمات اور پروازیں دوبارہ شروع کرنے کے معاہدے کا اعلان کیا۔

شام کے وزیر خارجہ کے جدہ کے دورے کے اختتام پر جمعرات کی شب ریاض اور دمشق نے دونوں ممالک کے دارالحکومتوں کے درمیان پروازیں شروع کرنے کے ساتھ ساتھ برسوں کے منقطع رہنے والی قونصلر خدمات بعد دوبارہ شروع کرنے کے معاہدے کا اعلان کیا۔