صیہونیوں کے ہاتھوں 60 سالہ فلسطینی کی شہادت

?️ 30 جولائی 2022

سچ خبریں:ایک 60 سالہ فلسطینی شہری جمعہ کی شام مغربی کنارے کے شمال کے نابلس شہر کے جنوب میں واقع گاؤں عوارتا میں قابض فوج کی گولی لگنے کے نتیجے میں شہید ہوگیا۔
60 سالہ فلسطینی شہری حسین قواریق گزشتہ منگل کو نابلس کے جنوب میں حوارہ چوکی پر قابض فوج کی براہ راست فائرنگ کے نتیجے میں زخمی ہو گئے تھے، عینی شاہدین نے بتایا کہ قواریق نامی شخص جو کہ خصوصی ضروریات کا حامل تھا، گلیوں سے خالی ڈبے اکٹھا کر رہا تھا کہ قابض فورسز نے اس پر گولی چلا کر اسے زخمی کر دیا،اس کے بعد فلسطینی ہلال احمر کا عملہ اس مقام پر پہنچا لیکن قابض فوج نے اسے ان کے حوالے کرنے سے انکار کر دیا اور اسے ایک اسرائیلی گاڑی میں فلسطین کے مقبوضہ علاقے میں لے گئے۔

قابل ذکر ہے کہ قابض حکومت کی چوکیاں اپنی تمام شکلوں میں ایسا جال بن چکی ہیں جس کے دوران قابض فوجی فلسطینی شہریوں کو پھنسا کر قتل، گرفتار، پوچھ گچھ اور ہراساں کرتے ہیں اس لیے کہ انہیں معلوم ہے کہ کوئی انہیں پوچھنے والا نہیں،اقوام متحدہ سمیت پوری عالمی برادری پر ان کا قبضہ ہے ،جہاں تک عرب ممالک کا سوال ہے تو ان حکمران صیہونیوں کے ساتھ دوستی کرنے میں ایک دوسرے سے سبقت لے جانے میں مصروف ہیں۔