صیہونیوں کو فلسطین سے اپنا بوریا بستر گول کرنا ہوگا:ٹویٹر صارفین

?️ 28 مارچ 2023

سچ خبریں:ٹویٹر کے عرب صارفین نے مقبوضہ علاقوں میں افراتفری اور وسیع پیمانے پر ہڑتالوں کی طرف اشارہ کیا اور عبوری حکومت کا ہیش ٹیگ استعمال کرتے ہوئے اسرائیل کی بنیادوں کی کمزوری پر زور دیا۔

صیہونی حکومت کی کابینہ کی پالیسیوں کے خلاف لاکھوں صیہونیوں کے احتجاج کی شدت اور مقبوضہ علاقوں میں روزمرہ کی زندگی کو مفلوج کرنے والے مظاہروں نیز ملک گیر ہڑتالوں کے بعد ٹویٹر کے عرب صارفین اسرائیل میں جاری افراتفری پر ردعمل کا اظہار کیا۔

اس سلسلے میں محمد الجباری نے لبنان میں حزب اللہ کے سکریٹری جنرل سید حسن نصر اللہ کے بیان کا حوالہ دیتے ہوئے صیہونی حکومت کے بارے میں لکھا: مکڑی کے جالے سے بھی زیادہ کمزور ۔

ایاد قنوع نے مسجد الاقصی کے خلاف صیہونی حکومت کی پالیسیوں کے خلاف مزاحمت کے کردار کا ذکر کرتے ہوئے یہ کارٹون شائع کیا۔

ایک اور صارف نے لکھا: ہم چاہتے ہیں کہ صہیونی حکومت میں شامل تمام فریقین اور اپوزیشن اور مظاہرین جیتنے اور قابض حکومت کو تباہ کرنے کے لیے تمام ضروری ذرائع استعمال کریں تاکہ وہ جہاں سے آئے ہیں وہیں واپس لوٹیں اور فلسطین آزادی کا مزہ چکھ سکے۔

ابو فہد نے بھی اس حوالے سے لکھا: قابض حکومت جہنم میں جا رہی ہے، علی ولید کنعان نے عبوری حکومت کے ہیش ٹیگ کے ساتھ لکھا: ہم اس وقت عبوری حکومت میں جو کچھ دیکھ رہے ہیں وہ تمام جنگوں کے خلاف سب سے خطرناک حکمت عملی ہے۔ سول نافرمانی، ڈاکٹروں اور سفارت کاروں، افسران اور ججوں کے استعفے اور ملازمین کی ہڑتالیں مظاہرے اور شدید طبقاتی، مذہبی، سماجی، سیاسی، اور نسلی تقسیم عنقریب ایک خونی تصادم کا باعث بنے گی۔

ایک اور عرب صارف نے لکھا: سکیورٹی فورسز اور نیتن یاہو کی حمایت کرنے والے بنیاد پرست صہیونی گروہ اس وقت مظاہرین کو دبانے کے لیے کارروائیاں کر رہے ہیں،یہ وہ حکومت ہے جس کے پاس امریکہ کے مطابق مشرق وسطیٰ میں سب سے زیادہ جمہوریت ہے۔

ریاض عزیز نے اس حوالے سے لکھا: خدا اسرائیلیوں کی سرکشی اور جنون میں اضافہ کرے اور انہیں سزا دے۔ یہ مجرم اور پاک سرزمین پر فساد پھیلانے والے لوگ ہیں ، اسرائیل اندر سے ٹوٹ رہا ہے۔