صیہونیوں کا سید حسن نصراللہ کے سامنے گھٹنے ٹیکنے کا اعتراف

3 اکتوبر 2022

سچ خبریں:سابق صیہونی وزیر اعظم نے ایک ٹویٹ میں حزب اللہ کی طاقت کا اعتراف کرتے ہوئے لکھا کہ موجودہ صیہونی وزیر اعظم نے حسن نصراللہ کے سامنے گھٹنے ٹیک دیے ہیں۔

اسپوٹنک نیوز ایجنسی کی رپورٹ کے مطابق اسرائیل کے سابق وزیر اعظم بنیامین نیتن یاہو نے صیہونی وزیراعظم یائیر لاپید کی جانب سے لبنان اور مقبوضہ فلسطین کے مابین سمندری حدود کے تعین کے حوالے سے جاری بیان پر رد عمل ظاہر کرتے ہوئے ایک ٹویٹ میں کہا ہے کہ اسرائیل کا موجودہ وزیر اعظم بہت ہی شرمناک طریقے سے حزب اللہ کے سکریٹری جنرل سید حسن نصراللہ کے سامنے جھک گیا اور اسرائیلی پارلیمنٹ کنسٹ کی جانب سے اس کا جائزہ لئے بغیر ہی عظیم گیس کے ذخائر کو حزب اللہ کے حوالے کر دیا۔

یاد رہے کہ سید حسن نصر اللہ نے اپنے خطاب میں لبنان اور خطے کے داخلی سیاسی مسائل پر روشنی ڈالتے ہوئے لبنان اور مقبوضہ فلسطین کے درمیان سمندری حدود نیز لبنان کے تیل اور گیس کے حقوق پر سخت موقف اپنایا تھا، حزب اللہ لبنان کےنائب سکریٹری جنرل شیخ نعیم قاسم نے بھی کہا کہ غاصب صیہونی حکومت اس وقت تک کاریش گیس فیلڈ میں انویسٹمنٹ نہیں کرسکتی جب تک لبنان اپنے سمندری وسائل حاصل نہیں کرلیتا اس لیے کہ اب اپنا حق لیے کے لئے بھیک مانگنے کا دور ختم ہوگیا ہے۔