صیہونی قیدیوں کے اہلخانہ کے ہاتھ ایک بار پھر نیتن یاہو کے دست بہ گریبان

?️ 15 فروری 2024

سچ خبریں: ہزاروں کی تعداد میں آبادکار اور صہیونی قیدیوں کے اہل خانہ مقبوضہ بیت المقدس میں نیتن یاہو کی رہائش گاہ کے سامنے جمع ہوئے اور حماس کے ساتھ صیہونی قیدیوں کے تبادلے کے لیے جنگ بندی کے مذاکرات میں کابینہ کی فوری واپسی کا مطالبہ کیا۔

صیہونی حکومت کے ذرائع ابلاغ نے اعلان کیا ہے کہ سیکڑوں آباد کار اور حماس کے پاس رہ جانے والے قیدیوں کے اہل خانہ مقبوضہ بیت المقدس میں نیتن یاہو کی رہائش گاہ کے سامنے جمع ہوئے اور فوری جنگ بندی کے مذاکرات اور قیدیوں کی رہائی کا مطالبہ کیا۔

یہ بھی پڑھیں: اسرائیل کو آگ لگا دیں گے؛اسرائیلی قیدیوں کے اہلخانہ

اس رپورٹ کی بنیاد پر صیہونی آبادکاروں نے کابینہ اور خاص طور پر قابض حکومت کے وزیراعظم بنیامین نیتن یاہو کے خلاف نعرے لگائے۔

مقبوضہ بیت المقدس میں مظاہرین نے اپنی صورتحال سے کابینہ کی بے حسی کی بھی مذمت کی۔

جنگ کے جاری رہنے کے خلاف احتجاج کرنے والے آباد کاروں نے غزہ سے اپنے بچوں کی جلد از جلد واپسی اور نیتن یاہو کے مستعفی ہونے کا مطالبہ کیا۔

مزید پڑھیں: صیہونی شہری اپنے قیدیوں کی رہائی کے لیے کیا کر رہے ہیں؟

صہیونی قیدیوں کے اہل خانہ نے اعلان کیا ہے کہ انہیں اب نیتن یاہو اور ان کی کابینہ پر کوئی بھروسہ نہیں ہے اور انہیں اپنے غزہ سے بچوں کی واپسی کے لیے کام کرنا چاہیے۔