صہیونیوں کو رمضان المبارک کے دوران سیف القدس کے دوبارہ شروع ہونے کا خوف

?️ 21 فروری 2022

سچ خبریں:صہیونی حکام نے اعلان کیا ہے کہ اس سال رمضان کے مقدس مہینے میں یروشلم میں کوئی چوکی نہیں لگائی جائے گی۔
رمضان کے مقدس مہینے کے قریب آتے ہی عبرانی زبان کے ذرائع نے اعلان کیا کہ صہیونی حکام یروشلم شہر میں مزید کوئی چوکی قائم کرنے کا ارادہ نہیں رکھتے،شہاب خبر رساں ایجنسی نےصیہونی اخبار ہاریٹز کے حوالے سے بتایا کہ صہیونی پولیس نے رمضان کے مقدس مہینے میں یروشلم کے باب العمود کے صحن میں کوئی بھی چوکی قائم نہ کرنے کا فیصلہ کیا ہے تاکہ گزشتہ سال ہونے والی جھڑپوں سے سبق حاصل کیا جا سکے۔

واضح رہے کہ یہ اقدام ایسے وقت میں سامنے آیا ہے جب صیہونی حکومت نے گذشتہ چند ہفتوں کے دوران مقبوضہ علاقوں بالخصوص شیخ جراح محلے میں مقیم فلسطینیوں کے خلاف اپنے دشمنانہ اقدامات کو تیز کر دیا ہے اور فلسطینی عوامی فورسز نے حال ہی میں صیہونیوں کا مقابلہ کرنے کے اپنے ارادے کا اعلان کیا ہے اور ان کا مقابلہ کرنے کے لیے حفاظتی اقدامات کا بھی اعلان کرتے ہوئے کہا ہے کہ وہ رمضان کے لیے پوری طرح تیار ہیں۔

قابل ذکر ہے کہ صیہونی حکومت کے خلاف آپریشن سیف القدس 10 مئی بروز پیر شروع ہوا جو 12 دن تک جاری رہا، یہ لڑائی مسجد اقصیٰ میں فلسطینی نمازیوں پر صہیونی حملے اور یروشلم کے شیخ جراح محلے سے 500 فلسطینیوں کو بے دخل کرنے کی کوشش کے خلاف احتجاج میں ہوئی۔