صہیونی فوجی اڈے سے 60 ہزار گولیوں کی چوری 

صہیونی فوجی اڈے سے 60 ہزار گولیوں کی چوری

اسرائیلی اخبار معاریو کی رپورٹ کے مطابق، جنوبی صحرائے نقب میں واقع اسرائیلی فوج کے تربیتی مرکز "تزیلیم” سے 60 ہزار فشنگ (گولیاں) چوری کر لی گئیں۔ یہ واقعہ فوجی نگرانی اور سیکیورٹی نظام پر سنگین سوالات کھڑا کر رہا ہے۔

رپورٹ کے مطابق، اسرائیلی فوجی حکام نے منگل کے روز معمول کے معائنے کے دوران اس بڑے پیمانے پر اسلحہ کی کمی کو محسوس کیا۔ فوجی اڈے کے گودام سے درجنوں جعبوں میں بند فشنگ غائب پائی گئیں۔

ابتدائی اندازوں کے مطابق یہ چوری گزشتہ چند دنوں کے دوران عمل میں آئی، تاہم واقعے کی درست تاریخ تاحال واضح نہیں ہو سکی۔ اسرائیلی فوج کی جانب سے جاری بیان میں کہا گیا ہے کہ واقعے کی تحقیقات پولیس ملٹری نے شروع کر دی ہے۔

یہ پہلا موقع نہیں کہ صہیونی فوجی اڈوں سے اسلحہ یا گولہ بارود چوری ہوا ہو۔ ماضی میں بھی تزیلیم بیس سمیت کئی دیگر اڈوں سے اسلحہ کی چوری کی متعدد وارداتیں سامنے آ چکی ہیں۔

ستمبر 2023 میں بھی اسی اڈے سے ایک مشین گن چوری ہوئی تھی، جب کہ دی 1399 ہجری شمسی (جنوری 2021) میں تزیلیم بیس سے 93 ہزار فشنگ چوری ہوئی تھیں، جس کی تحقیقات میں انکشاف ہوا کہ چوری میں خود فوجی اہلکار بھی ملوث تھے۔

اس حالیہ واقعے نے اسرائیلی دفاعی نظام کی داخلی کمزوریوں کو ایک بار پھر بے نقاب کر دیا ہے اور یہ خدشہ بڑھ گیا ہے کہ یہ اسلحہ منظم جرائم پیشہ گروہوں یا دیگر عناصر کے ہاتھوں میں جا سکتا ہے۔

مبصرین کے مطابق، فوجی اڈوں میں بار بار ہونے والی اسلحہ چوریوں سے نہ صرف فوج کی ساکھ متاثر ہو رہی ہے، بلکہ اندرونی سلامتی کے لیے بھی خطرات بڑھ رہے ہیں۔