صہیونی دشمن کا مقابلہ کرنے میں ایک لمحہ بھی شک نہیں کریں گے: جہاد اسلامی کے سکریٹری جنرل

?️ 16 ستمبر 2021

سچ خبریں:فلسطینی مزاحمتی تحریک جہاد اسلامی کے سکریٹری جنرل نے فلسطینی قیدیوں سے خطاب کرتے ہوئے اس بات پر زور دیاکہ ہم آپ کو کبھی تنہا نہیں چھوڑیں گے اور صہیونی دشمن کے ساتھ محاذ آرائی میں ایک لمحے کے لیے بھی نہیں ہچکچائیں گے۔
فلسطینی جہاد اسلامی تحریک کے سکریٹری جنرل زیاد النخالہ نے صہیونی حکومت کی جیلوں میں موجود فلسطینی بہادر اسیروں کے لیے ایک خصوصی پیغام میں کہا کہ وہ اور اسلامی جہاد کے رہنما اسیروں کے بارے میں تمام خبروں پر توجہ دے رہے ہیں خاص طور پر جب سے صیہونی جیل سے6 فلسطینی عزیز اور بہادر اسیروں نےفرار کیا ہے اور اس طرح صیہونی دشمن کی مزید للکارا ہے۔

زیاد النخالہ نے اس بات پر زور دیا کہ فریڈم بٹالین کے بہادروں نے فلسطینی قیدیوں کے ساتھ بے مثال یکجہتی کے لیے ایک لاجواب عرب اور بین الاقوامی تحریک پیدا کی،انھوں نے مزید کہا کہ ہمارے بھائی محمود العارضہ اور ان کےساتھی ہمت اور ارادے کی علامت ہیں نیز ہمارے اور دنیا کے ہر آزاد فرد کے لیے فخر کا باعث ہیں۔

فلسطینی جہاد اسلامی تحریک کے سکریٹری جنرل نے کہا کہ صہیونی حکومت کی جیلوں کے اندر قیدیوں کی شجاعت اور بہادری پر مبنی نقل وحرکت کے انتہائی اہم واقعہ کے ذریعہ دشمن کے اقدامات کو چیلنج کیا ، ان قیدیوں کا عمل اتنا ہی اہم ہے جتنا جنین بٹالین میں ہمارے بھائیوں کا عمل اہم ہے۔

زیاد النخالہ نے صہیونی حکومت کی جیلوں کے اندر فلسطینی قیدیوں کے اقدامات اور دشمن کے ساتھ ان کی جنگ کا سراہنا کرتے ہوئے کہا کہ ان کاروائیوں کا مقصد عظیم فلسطینی تحریک کی شناخت اوراس کے کردار کو محفوظ رکھنا ہے۔

جہاد اسلامی تحریک کے سکریٹری جنرل کےپیغام میں مزید آیاہےکی ہم آخری دم تک تک اپنے تمام عزم کے ساتھ آپ کے ساتھ ہیں،ہم ایک لمحے کے لیے بھی دشمن سے مقابلہ کرنے کے آپشن کی حمایت میں نہیں ہچکچائیں گے کیونکہ آپ جیلوں میں قابضین کے ساتھ اپنی محاذ آرائی جاری رکھے ہوئے ہیں۔