شہید امام خامنہ ای نے قومی مفادات پر بھروسہ کرکے ایران کو ترقی کی راہ پر گامزن کیا

سچ خبریں: روس کی سینئر صحافی یلینا دونایووا نے ایک خصوصی انٹرویو میں انقلابی ایران کے شہید رہبر کے بارے میں اہم خیالات کا اظہار کیا ہے، جن کی تفصیل پیشِ خدمت ہے۔

شیعہ مسلمان کا عقیدہ ہے کہ وہ اپنی جان اللہ، عدالت اور اپنے عقائد کی راہ میں قربان کر دیتا ہے۔ ہم جانتے ہیں کہ شہید امام سید علی خامنہ ای نے گزشتہ 37 سالوں میں عملاً اسلامی جمہوریہ ایران کی سربراہی کی اور امام خمینی (رح) کے راستے کو جاری رکھا اور انقلابی اسلامی کے حصولیابیوں اور مفادات کا دفاع کیا۔

یہ کہنا ضروری ہے کہ ایران عراق جنگ اور امام خمینی کی وفات کے بعد، انہوں نے ایک مشکل دور میں ملک کی قیادت سنبھالی۔ اس وقت، نئے حالات میں معیشت کی تعمیرِ نو اور ملکی سماجی، اقتصادی اور ثقافتی صلاحیتوں کی ترقی ناگزیر تھی تاکہ انقلاب اسلامی کے اہداف اور بنیادی فرائض پورے ہو سکیں۔

ایران کو بے شمار مسائل کا سامنا تھا اور شہید امام خامنہ ای کے مدبرانہ فیصلوں نے ایران کو سماجی و اقتصادی ترقی کے راستے پر گامزن کرنے میں مدد فراہم کی، اگرچہ ملک کے اندر کبھی کبھار بحرانات بھی رونما ہوتے رہے۔ ان کا طرزِ عمل ہمیشہ عملیت پسندانہ رہا اور وہ مختلف فریقوں کے درمیان توازن قائم کرنے اور اختلافات کو سنگین تنازعات میں تبدیل ہونے سے روکنے میں کامیاب رہے۔

بین الاقوامی سطح پر بھی صورتحال کچھ ایسی ہی تھی۔ ایران بین الاقوامی پابندیوں کا شکار رہا، لیکن ایک طرف قومی مفادات کی پاسداری اور دوسری طرف مذاکرات اور معاہدے تک رسائی کی ان کی قابلیت، ان کی قیادت کی خاص خوبیاں تھیں۔

مثال کے طور پر، بین الاقوامی پابندیوں نے معاشی صورتحال کو مزید دشوار بنا دیا، لیکن انہی حالات میں انہوں نے مزاحمتی معیشت کی پالیسی پیش کی اور ملکی ترقی کے اہم راستوں کی نشاندہی کی۔

جوہری معاملے کے بارے میں بھی ہم جانتے ہیں کہ شہید امام خامنہ ای نے جوہری ہتھیاروں کی حفاظت اور استعمال کو حرام قرار دیا۔

اس کے علاوہ، یہ کہنا ضروری ہے کہ ایران کے رہبر نے ملکی دفاعی صلاحیتوں کو مضبوط بنانے پر خصوصی توجہ دی اور ایران کی مسلح افواج ان کی قیادت میں اپنی موجودہ سطح تک پہنچی ہیں۔

وہ ہمیشہ روس کے ساتھ اچھے تعلقات کے حامی رہے اور انہوں نے ولادیمیر پوٹن سے متعدد بار ملاقاتیں کیں اور اپنے طرزِ عمل سے یہ ظاہر کیا کہ دونوں ممالک کے درمیان تعاون فائدہ مند ثابت ہو سکتا ہے۔

آخر میں، ہم ایران کے عوام کو تعزیت پیش کرتے ہیں اور ان حملوں کے شہداء کے ساتھ ہمدردی کا اظہار کرتے ہیں۔ ہم ایران کے عوام کے اس موقف کی بھی قدر کرتے ہیں جس نے یہ ثابت کیا کہ ان کے رہبر اور چند ایرانی عہدیداروں کی شہادت نے ملک کو کمزور نہیں کیا، بلکہ ان کے اتحاد اور خودمختاری اور علاقائی سالمیت کے دفاع کے عزم کو مزید مضبوط کیا۔