شمالی لبنان میں فیول ٹینکر دھماکہ / 28 ہلاک ، 79 زخمی

?️ 15 اگست 2021

سچ خبریں:لبنانی ذرائع ابلاغ نے بتایا کہ شمالی لبنان میں ایک فیول ٹینکر دھماکے میں 28 افراد ہلاک اور 79 زخمی ہوئے۔
الجزیرہ چینل کی رپورٹ کے مطابق اتوار کے روز شمالی لبنان کے علاقے عکار علاقہ میں واقع التلیل شہر میں ایک فیول ٹینکر میں دھماکہ ہوا، لبنانی ریڈ کراس نے بتایا کہ دھماکے میں 28 افراد ہلاک اور 79 دیگر زخمی ہوئے،تاہم متاثرین کی تعداد میں مزید اضافے کا امکان ہے۔

لبنانی ریڈ کراس نے بتایا کہ ایمبولینسیں جائے وقوعہ پر پہنچیں اور متاثرہ افراد کو ہسپتال منتقل کیا،یادرہے کہ یہ دھماکہ ایسے وقت میں ہوا ہےجبکہ لبنانی عوام ایندھن کے شدید بحران سے دوچار ہیں اور مرکزی بینک کے گورنر ریاض سلامہ کے ایندھن کی سبسڈی میں کمی کے حالیہ فیصلے سے عوام میں غم و غصے کی لہر دوڑ گئی ہے نیز جگہ جگہ احتجاجی مظاہرے ہوئے رہے ہیں۔