شام کو سب سے زیادہ کس نے لوٹا؟

?️ 23 ستمبر 2023

سچ خبریں: شام کے وزیر خارجہ نے اس بات پر زور دیا کہ شامی صدر کا دورہ چین بہت اہم اور دونوں ممالک کے تعلقات کی تاریخ میں ایک نیا اقدام ہے۔

سانا نیوز ایجنسی کی رپورٹ کے مطابق شام کے وزیر خارجہ فیصل المقداد نے اس بات پر زور دیا کہ شام کے صدر بشار الاسد کا دورہ چین انتہائی اہم اور دونوں ممالک کے تعلقات کی تاریخ میں ایک نیا موڑ ہے۔

مزید پڑھیں: امریکہ کی تیل کی چوری شامی عوام کے بحرانوں کا باعث

انہوں نے شام میں امریکہ کی غیر قانونی موجودگی کے بارے میں کہا کہ امریکہ شام کے تیل، گیس اور اناج کو لوٹ رہا ہے۔

شام کی وزارت تیل کی طرف سے اعلان کردہ تازہ ترین اعدادوشمار کے مطابق امریکہ کے ہاتھوں شامی تیل کی چوری کی رقم 115 بلین ڈالر تک پہنچ گئی ہے۔

المقداد نے شامی عوام کو لوٹی گئی اس رقم کی واپسی اور معاوضے کا مطالبہ کیا اور عالمی برادری نیز اقوام متحدہ سے کہا کہ وہ شام کا تیل چوری کرنے پر امریکہ کا احتساب کرے۔

شام کے وزیر خارجہ نے مزید کہا کہ امریکی قابضین اور ان کے مددگاروں کو معلوم ہونا چاہیے کہ یہ قبضہ باقی نہیں رہے گا۔

المقداد نے مشرق وسطیٰ میں امن کی مضبوطی میں چین کے کردار پر تاکید کرتے ہوئے کہا کہ چین سعودی عرب اور ایران کے درمیان مفاہمت کرنے میں کامیاب ہوا کیونکہ چین کے خلیج فارس تعاون کونسل کے ممالک اور اسلامی جمہوریہ ایران کے ساتھ مضبوط تعلقات ہیں۔

مزید پڑھیں: امریکہ کے ہاتھوں شامی تیل کی چوری کا سلسلہ جاری

انہوں نے واضح کیا کہ چین کی ایک آزاد اور غیر جانبدارانہ پالیسی ہے جس پر تمام فریقین اعتماد کرتے ہیں،چین کے ساتھ عرب دنیا کے تعلقات مشترکہ مفادات پر مبنی ہیں، شام عرب چینی تعاون کی حمایت کرتا ہے اور عرب ممالک چین کے ساتھ تعلقات کے مستقبل کے بارے میں پر امید ہیں۔