شام میں امریکی فوجی اڈے پر راکٹ حملہ

?️ 4 جنوری 2022

سچ خبریں:شام کے صوبہ دیر الزور میں واقع امریکی فوجی اڈے پر کیٹوشا میزائل اور راکٹوں سے حملہ کیا گیا۔
شامی ذرائع ابلاغ کی رپورٹ کے مطابق پیر کے روز شام کے صوبہ دیر الزور کے العمر نامی اسکوائر پرواقع امریکی فوجی اڈے پر راکٹوں سے حملہ کیا گیا ،رپورٹ کے مطابق امریکہ کے فوجی اڈے پر کم سے کم 7 کاتیو شا میزائل اور 4 راکٹ داغے گئے جس کے بعد دھویں کے بادل چھا گئے۔

رپورٹ کے مطابق امریکہ کے دہشتگرد فوجیوں نے اس حملے پر رد عمل دکھاتے ہوئے مغربی فرات پر بمباری کی ، یادرہے کہ شام کے علاقے دیرالزور میں کنیکو معروف فوجی اڈے پر بھی گزشتہ ہفتے 2 راکٹ فائر کئے گئے تھے، دیرالزور کے مشرقی علاقے میں واقع اس فوجی اڈے پر گزشتہ ایک ماہ میں ہونے والا یہ دوسرا حملہ ہے،اس قبل ہونے والے حملے میں 9 راکٹ فائر کئے گئے تھے۔

واضح رہے کہ شام میں امریکہ کے فوجی ٹھکانے نہ صرف شام بلکہ علاقے کے مختلف ملکوں نیز پورے علاقے کے لئے بدامنی و عدم استحکام کا باعث بنے ہوئے ہیں نیز اس ملک کی حکومت کی اجازت کے بغیر یہاں قبضہ جمائے ہوئے ہیں اور دہشتگردوں کی سرپرستی کرنے کے ساتھ ساتھ شام کے قدرتی ذخائر کو لوٹ رہے ہیں جبکہ شامی حکومت متعدد بار امریکہ سمیت تمام غیر ملکی قابضین سے اپنے ملک سے چلے جانے کو کہہ چکی ہے۔