سعودی عرب کی ایک بار پھر لبنان کے اندرونی معاملات میں مداخلت

🗓️ 29 اکتوبر 2021

سچ خبریں:لبنانی ذرائع ابلاغ نے اس ملک کے پارلیمانی انتخابی عمل میں سعودی مداخلت کی اطلاع دی۔
لبنانی روزنامہ الاخبار کی رپورٹ کے مطابق لبنان میں سعودی عرب کے سفیر ولید البخاری نے حال ہی میں اپنی رہائش گاہ پر عرب قبائل کے بعض افراد سے ملاقات کی اور ان سے کہا کہ وہ لبنانی فورسز پارٹی سے وابستہ امیدواروں کی حمایت کریں۔

باخبر ذرائع نے اطلاع دی ہے کہ ولید البخاری نے لبنانی عرب قبائل کے نوجوانوں سے ملاقات میں اس بات پر زور دیا کہ لبنانی فورسز پارٹی کے سربراہ سمیر جعجع لبنان میں سعودی عرب کے اکیلے اتحادی ہیں اور لبنان کے پارلیمانی انتخابات میں ریاض ان کی حمایت کرے گا۔

تاہم سعودی سفیر نے آئندہ انتخابات میں لبنان کے سابق وزیر اعظم سعد حریری کی قیادت میں "مستقبل” تحریک کے بارے میں اپنے ملک کے موقف کا ذکر نہیں کیاجبکہ مالی مسائل کی وجہ سے سعد حریری اور بیشتر حکمران مقامی جماعتوں کے درمیان تناؤ کی وجہ سے، ان کے اتحادیوں نے پارلیمانی انتخابات میں سعد حریری کے ساتھ اتحاد جاری رکھنے کے اپنے فیصلے کی واضح تصویر ابھی تک فراہم نہیں کی ہے۔

درایں اثناسعد حریری کی قیادت میں المستقبل سے وابستہ ذرائع اس بات پر زور دیتے ہیں کہ ان کے پاس انتخابات میں حصہ لینے کی مالی صلاحیت نہیں ہے، اس کے علاوہ حریری کے موجودہ افواج کے ساتھ تعلقات خراب ہو گئے ہیں، جس کی وجہ سے ان کے لیے انتخابی اتحادیوں کی حمایت کرنا کسی حد تک مشکل ہو گیا ہے،

یادرہے کہ لبنانی پارلیمنٹ نے 27 مارچ 2022 کو ملک کے پارلیمانی انتخابات کی تاریخ کا اعلان کیا ہے،لبنان کے انتخابی نظام کا ڈھانچہ اور اس کی تین شاخوں کے سربراہوں کا انتخاب ملک کے آبادیاتی اور قبائلی تناظر اور ملک کے آئین کے تنوع کی وجہ سے خاصا پیچیدہ ہے۔