سچ خبریں:یمنی ذرائع کا کہنا ہے کہ سعودی اتحاد کی بھچائی ہوئی باردوی سرنگوں کی ذر میں آکر دس سے پندرہ سال کی عمر کے مزید چار بچے شہید ہو گئے ہیں۔
فرانسیسی خبر رساں ایجنسی کی رپورٹ کے مطابق یمن کے طبی ذرائع کا کہنا ہے کہ 10 سے 15 سال کے 4 بچے یمن کے الحدیدہ شہر میں بارودی سرنگ کے دھماکے میں شہید ہو گئے،کہا جا رہا ہے کہ شہید ہونے والے بچے الحدیدہ ایرپورٹ کے قریب جاتے ہوئے بارودی سرنگ کے دھماکے میں شہید ہوئے۔
واضح رہے کہ اب تک سعودی عرب اور اس کے اتحادیوں کی سات سالہ جنگ کے دوران ہزاروں یمنی شہری شہید اور زخمی ہوچکے ہیں جبکہ چالیس لاکھ لوگوں کو اپنا گھر بار چھوڑنے پر مجبور ہونا پڑا ہے،سعودی جارحیت کے نتیجے میں یمن کا پچاسی فیصد بنیادی ڈھانچہ بھی تباہ ہوگیا ہے، اسکے علاوہ اس ملک کو شدید غذائی بحران کا سامنا ہے اس لیے کہ سعودی اتحاد نے چاروں طرف سے اس ملک کو گھیرے میں لیا ہوا ہے۔
قابل ذکر ہے کہ جارحین کے ہاتھوں یمنیوں کی نسل کشی اور اس صدی کی سب سے خطرناک دہشتگردی کے باوجود ابھی تک اقوام متحدہ سمیت پورسی عالمی برادری کی جانب سے کوئی بھی ردعمل دیکھنے کو نہیں ملا ہے۔