سعودی ، برطانوی اور قطری حکام کی سوڈان کے بارے میں مشاورت

?️ 24 اپریل 2023

سچ خبریں:سعودی وزیر خارجہ نے یورپی یونین کی خارجہ پالیسی کے عہدیدار ، برطانوی اور قطری وزرائے خارجہ سے سوڈان میں پیش آنے والی صورت حال کے بارے میں مشاورت کی۔

العربیہ نیوز ایجنسی کی رپورٹ کے مطابق سعودی وزیر خارجہ فیصل بن فرحان نے اتوار کے روز یورپی یونین کی خارجہ پالیسی کے سربراہ جوزف بوریل سے سوڈان میں فوجی کشیدگی میں اضافے کو روکنے اور تشدد کے خاتمے کی کوششوں کے بارے میں تبادلہ خیال کیا۔

اس خبر رساں ایجنسی کے مطابق سعودی عرب اور انگلینڈ کے وزرائے خارجہ نے ایک ٹیلی فونک گفتگو میں کشیدگی کو روکنے، عام شہریوں کی حمایت اور غیر ملکیوں کے لیے سوڈان چھوڑنے کے لیے محفوظ راستے بنانے کی ضرورت پر زور دیا۔

الجزیرہ ٹی وی چینل کے مطابق قطر کے وزیر اعظم ، وزیر خارجہ اور سعودی عرب کے وزیر خارجہ کے درمیان سوڈان کی صورتحال کے حوالے سے ٹیلی فون پر بات چیت ہوئی۔

واضح رہے کہ سوڈانی فوج اور محمد حمیدان دغلو "حمیداتی” کی قیادت میں ہلکے اور بھاری ہتھیاروں کا استعمال کرنے والی ریپڈ ای ایکشن فورسز کے درمیان لڑائی گزشتہ ہفتے کے روز اس ملک کے مختلف علاقوں میں شروع ہوئی ۔

اس سلسلے میں ریپڈ ری ایکشن فورسز اور سوڈانی فوج کے درمیان شدید لڑائی کے باعث خرطوم کے بین الاقوامی ہوائی اڈے پر پروازیں روک دی گئی ہیں نیز شہر کے پل بھی بند ہیں۔