زیلنسکی کی حکومت میں 100 بلین ڈالر کا ممکنہ غبن

?️ 2 دسمبر 2025

زیلنسکی کی حکومت میں 100 بلین ڈالر کا ممکنہ غبن

یوکرین کے سابق وزیرِاعظم نیکولای آزاروف نے دعویٰ کیا ہے کہ موجودہ کییف حکومت کے اہلکاروں نے غیر ملکی امداد میں سے سو ارب ڈالر سے زیادہ رقم ممکنہ طور پر اختلاس کی ہے۔ تاس نیوز ایجنسی کے مطابق آزاروف نے اپنے ایک پیغام میں کہا کہ 2022 سے اب تک یوکرین کو تقریباً تین سو ساٹھ ارب ڈالر کی بیرونی امداد فراہم کی گئی ہے، جبکہ ملک میں بدعنوانی کی اوسط شرح پندرہ سے تیس فیصد کے درمیان ہے۔

ان کے بقول اگر کم سے کم تخمینہ یعنی پندرہ فیصد کو لیا جائے تو تقریباً چون ارب ڈالر اور اگر تیس فیصد حساب کیا جائے تو ایک سو آٹھ ارب ڈالر تک کی رقم حکام کی کرپشن کی نذر ہو سکتی ہے۔

انہوں نے مزید کہا کہ یوکرین کے انسدادِ بدعنوانی اداروں نے دس نومبر کو توانائی کے شعبے میں بڑے پیمانے پر کرپشن کے ایک کیس کی تحقیقات کے لیے میداس نامی آپریشن شروع کیا، جس کے نتیجے میں کییف میں سنگین سیاسی بحران پیدا ہوا۔

اسی پس منظر میں یوکرینی پارلیمان نے صدر ولادیمیر زلنسکی کے دفتر کے سربراہ آندری یرماک کی ممکنہ بدعنوانی میں شمولیت کے شبہے پر استعفیٰ کا مطالبہ کیا۔ اٹھائیس نومبر کو انسدادِ بدعنوانی اہلکاروں کی جانب سے ان کے دفتر اور رہائش گاہ پر چھاپے کے بعد یرماک نے اپنا استعفیٰ پیش کر دیا۔