روسی اور امریکی صدر کے تعلقات کو وسعت دینے کا حکم

سچ خبریں: واشنگٹن میں روسی سفیر الیگژنڈر ڈارچیف نے انکشاف کیا ہے کہ روسی صدر ولادی میرپیوٹن اور ان کے امریکی ہم منصب ڈونلڈ ٹرمپ نے دونوں ممالک کے سفارتکاروں کو ماسکو اور واشنگٹن کے درمیان دوطرفہ تعلقات کو پہلی حالت پر واپس لانے کی ہدایت کی ہے۔

واشنگٹن میں تعینات روسی سفیر کے مطابق،پیوٹن اور ٹرمپ نے اپنے اپنے سفارتکاروں کو یہ ذمہ داری سونپی ہے کہ وہ روس اور امریکہ کے تعلقات کو دوبارہ وسیع کریں۔

انہوں نے زور دے کر کہا کہ میں پورے اعتماد کے ساتھ کہہ سکتا ہوں کہ روسی اور امریکی سفارتکار اعلٰی درجے کی پیشہ ورانہ مہارت کے ساتھ اپنے اپنے ممالک کی خدمت کر رہے ہیں اور سفارت کاری ان کی اولین ترجیح ہے۔

روس کے سفیر نے مزید کہا کہ یہ نقطہ نظر بحرانوں سے گذرنے اور معقولیت برقرار رکھنے کا موقع فراہم کرتا ہے تاکہ روس اور امریکہ کے تعلقات پھر سے وسیع ہو سکیں۔ دونوں ممالک کے صدور نے واضح طور پر ہمیں یہ کام سونپا ہے۔