روس کا افغانستان کی صورتحال کے سلسلہ میں انتباہ

?️ 23 جون 2021

سچ خبریں:روس کے وزیر دفاع نے افغانستان سے امریکہ اور نیٹو کے غیر ذمہ دارانہ انخلا کا حوالہ دیتے ہوئے افغانستان میں خانہ جنگی شروع ہونے کا انتباہ دیا ہے۔
اسپوٹنک نیوز ایجنسی کی رپورٹ کے مطابق روسی وزیر دفاع سیرگئی شیوگو نے آج کہا کہ نیٹو کے افغانستان سے انخلا کے بعد اس ملک کو خانہ جنگی کا سامنا کرنا پڑسکتا ہے، انھوں نے کہا کہ نیٹو افواج کے انخلا کے بعد لوگوں کی زندگی میں مزید بگاڑ ، بڑے پیمانے پر نقل مکانی اور پڑوسی ممالک میں انتہا پسندی کا پھیلاؤ جیسے تمام منفی نتائج کے ساتھ ساتھ افغانستان میں خانہ جنگی کا امکان بہت زیادہ ہے، روسی وزیر دفاع کے مطابق نیٹو افغانستان میں 20 سال کی موجودگی بے بعد بھی اپنے اہداف کے حصول سے قاصر رہاہے لہذا اس صورتحال کو تبدیل کرنے کے لئے سنجیدہ اور فوری اقدام اٹھانا ہوگا۔

سرگئی نے کہا کہ افغانستان کی صورتحال ایسی ہے کہ انہیں پڑوسی ممالک اور بین الاقوامی تنظیموں کی طرف خصوصی توجہ کی ضرورت ہے ،انھوں نے مزید کہا کہ ایک طرف قطر کے دارالحکومت دوحہ میں افغانیوں کے درمیان مذاکرات کا ایک نیا دور چل رہا ہے جبکہ دوسری طرف پورے افغانستان میں سکیورٹی فورسز کے ساتھ طالبان کا تصادم بڑھ گیا ہے۔

یادرہے کہ افغانستان سے امریکی دہشت گردوں کے زیرقیادت غیر ملکی قبضہ کاروں کی واپسی کے آغاز کے ساتھ ہی ، واشنگٹن اس ملک میں بڑھتے ہوئے عدم تحفظ کو بہانے کے طور پر غلط استعمال کرنے کی کوشش کر رہا ہے تاکہ یہ ثابت کر سکے وہی اس ملک میں امن کا ذمہ دار ہے۔