روس نے ہائپرسونک میزائل کا کامیاب تجربہ کیا۔

روس اور اس کا اتحادی بیلاروس، جمعے سے شروع ہونے والی مشق زاپاد 2025 میں شریک ہیں جو بحیرہ بالٹک اور بارنتز سمیت مختلف علاقوں میں جاری ہے اور منگل تک جاری رہے گی۔ تجزیہ کاروں کے مطابق یہ مشق اس لیے بھی اہم ہے کہ حال ہی میں تقریباً 20 روسی ڈرونز پولینڈ کی فضائی حدود میں داخل ہوئے تھے۔ وزیر خارجہ پولینڈ رادوسلاو سیکورسکی نے ان مشقوں کو ناتو کے لیے "آزمائش” قرار دیا۔

روس پہلے بھی یوکرین جنگ میں ہائپر سونک میزائل کِنژال استعمال کر چکا ہے۔فروری 2024 میں یوکرینی تجزیہ کاروں نے دعویٰ کیا تھا کہ روس نے پہلی بار "زیرکان” کو میدانِ جنگ میں استعمال کیا۔

صدر ولادیمیر پوتین نے 2023 میں کہا تھا کہ زیرکان اور دیگر نئی نسل کے ہتھیار روس کو بیرونی خطرات سے محفوظ رکھنے اور قومی مفادات کے تحفظ میں اہم کردار ادا کریں گے۔

قطب شمالی میں روسی فوجی سرگرمیوں پر ناتو کے رکن ممالک نے بارہا تشویش ظاہر کی ہے۔ آئس لینڈ کی وزیر خارجہ گانارزداتیر کے مطابق کرملین نے اس خطے میں اپنی فوجی موجودگی کو خاصا بڑھا دیا ہے، جسے نیٹو کے لئے ایک سنگین خطرہ سمجھتا ہے۔

بحیرہ بالٹک کو اکثر نیٹو کی جھیل کہا جاتا ہے کیونکہ زیادہ تر اطراف اس کے رکن ممالک ہیں۔ لیکن بحیرہ بارنتز، جو روسی کولا جزیرہ نما اور نروے کے قریب واقع ہے، اب ایک نئی کشیدگی کا مرکز بنتا جا رہا ہے۔