حکومتی اشتعال انگیزی کے خلاف تحمل ختم: حزب اللہ

سچ خبریں: لبنانی اخبار الاخبار کے مطابق حزب اللہ نے ریاستی اداروں کو واضح پیغام دیا ہے کہ حکومت کی اشتعال انگیزی کے خلاف خویشتداری کا دور ختم ہو چکا ہے، اور حزب اللہ کے ذمہ داران کی گرفتاری یا اسلحے کے ذخیرے کے بہانے کسی بھی کارروائی پر خاموش نہیں رہا جائے گا۔

لبنانی اخبار الاخبار نے اس جانب اشارہ کرتے ہوئے کہ لبنانی حکومت کے بعض ارکان مزاحمت پر دباؤ بڑھانے کے راستے پر گامزن ہیں، لکھا ہے کہ یہ دباؤ اب صرف سیاسی مہمات تک محدود نہیں بلکہ میدانی کارروائیوں تک پہنچ چکا ہے۔

لبنان کے اپیل کورٹ کے پراسیکیوٹر قاضی احمد رامی الحاج کی جانب سے حزب اللہ کے ذمہ داران کی اسلحے سے بھرے ٹرک کیس سے تعلق کے الزام میں تعاقب اور طلبی کے لیے سکیورٹی اداروں کو جاری کردہ سمن کی بابت سرکاری تردیدی بیان جاری کرنے سے انکار کے بعد، گزشتہ دو روز کے دوران ہونے والی رابطوں میں حزب اللہ کی جانب سے ایک واضح پیغام دیا گیا۔ یہ پیغام نہ صرف صدارتی اور وزیراعظم کے دفاتر میں سیاسی ذمہ داران کے لیے تھا بلکہ سکیورٹی اور فوجی دستوں کے لیے بھی تھا، جس میں حزب اللہ کے ذمہ داران کی گرفتاری یا مختلف مقامات پر اسلحے کے ذخیرے کے طور پر استعمال کے شبے کی بنیاد پر چھاپے مارنے کے کسی بھی میدانی اقدام کے خلاف خبردار کیا گیا۔

اس پیغام میں صریح الفاظ میں یہ بات شامل تھی کہ حزب اللہ اس نوعیت کے کسی بھی اقدام پر خاموش نہیں رہے گی اور حکومت اور اس کے اداروں کے رویے کے خلاف خویشتداری کا مرحلہ ختم ہو چکا ہے۔

حزب اللہ کی جانب سے حکومت کے خلاف عوامی ردعمل کو قابو میں رکھنے کی کوششوں کے باوجود، اس تحریک نے مختلف سطحوں کے حکام کو اطلاع دی ہے کہ نرمی کی پالیسی جاری رکھنا اب ممکن نہیں، جبکہ امریکا لبنانی حکومت اور اس کے اداروں کے ذریعے ملک کو تخفیف اسلحہ کے عنوان سے داخلی تصادم کی طرف دھکیلنے کی کوشش کر رہا ہے۔

اسی حوالے سے توقع ہے کہ لبنان کے صدر جوزف عون آج فوج کے کمانڈروں، سکیورٹی اداروں اور داخلی سکیورٹی فورسز کے سربراہان کے ساتھ ایک اجلاس منعقد کریں گے جس میں متعدد امور بشمول طرابلس کے دورے کی تیاریوں کا جائزہ لیا جائے گا۔

اخبار الاخبار نے اعلان کیا کہ گزشتہ 48 گھنٹوں کے دوران اجلاسوں اور رابطوں کا ایک سلسلہ منعقد ہوا جس کا مقصد لبنانی حکومت کو امریکی و سعودی مفادات کے حصول کی خاطر داخلی تصادم کی طرف لے جانا تھا۔

اس حوالے سے آگاہ ذرائع نے قطر کے وزیراعظم اور وزیر خارجہ محمد بن عبدالرحمن کے لبنان کے حالیہ دورے کا حوالہ دیتے ہوئے یاد دلایا کہ یہ دورہ صرف بجلی کے معاملے تک محدود نہیں تھا بلکہ اس میں سیاسی پیش رفت بشمول ایران اور امریکا کے درمیان جاری مذاکرات میں لبنان کے مقام اور ایران کے خلاف جنگ کے ساتھ ساتھ اسرائیلی حکومت کی جانب سے لبنان کے خلاف نئی محاذ کھولنے کے خطرات بھی شامل تھے۔