حماس کا جواب ایک اہم قدم آگے ہے

برطانیہ کے وزیرِ اعظم کیئِر اسٹارمر نے کہا ہے کہ حماس کی جانب سے امن منصوبے کے جواب کو وہ  ایک اہم قدم آگے سمجھتے ہیں۔اسکارمر نے سوشل میڈیا سائٹ ایکس پر لکھا کہ وہ ڈونلڈ ٹرمپ کی ان کوششوں کی حمایت کرتے ہیں جن کی بدولت اب ہم پہلے سے زیادہ قریب ہیں۔ اُن کا کہنا تھا کہ ابھی امن قائم کرنے، جنگ کا خاتمہ، اسرا کی واپسی اور ضرورت مندوں تک انسانی امداد پہنچانے کا ایک نادر موقع موجود ہے اور وہ تمام فریقوں سے مطالبہ کرتے ہیں کہ وہ اس معاہدے پر تاخیر کے بغیر عملدرآمد کریں۔

وزیرِ اعظم برطانیہ نے مزید کہا کہ ان کے ملک اور شراکت دار مذاکرات کی مزید حمایت کرنے اور اسرائیلیوں و فلسطینیوں کے لیے پائیدار امن کے حصول کی کوشش کرنے کے لیے تیار ہیں۔

ایرنا کے مطابق، حماس نے ٹرمپ کے آتش بس منصوبے کے جواب میں جنگ کے فوری خاتمے، قیدیوں کے تبادلے اور غزہ کی خودمختار انتظامیہ کے تحت امور چلانے کی حمایت کا اظہار کیا ہے اور آئندہ غزہ کے معاملات کو فلسطینی قومی مفادات کے دائرے میں حل کرنے پر زور دیا ہے۔

امریکی صدر ڈونلڈ ٹرمپ نے کہا کہ حماس کے جاری کردہ بیان کی بنیاد پر اُن کا خیال ہے کہ حماس پائیدار امن کے لیے تیار ہے اور اسرائیل کو فوری طور پر غزہ پر بمباری روک دینی چاہیے تاکہ اسرا کو جلد اور محفوظ طریقے سے رہا کیا جا سکے۔ ٹرمپ نے کہا کہ ابھی تفصیلات پر بات چیت جاری ہے اور یہ معاملہ صرف غزہ تک محدود نہیں بلکہ مشرقِ وسطیٰ میں دیرپا امن سے متعلق ہے۔